Shillong, Risaw 18: U Myntri kam poh iing jong ka sorkar jylla u Bah HDR Lyngdoh mynta ka sngi u la plie ia ka Diengpasoh Police Station kaba hap hapoh jong ka East Khasi Hills District. Ha ka jingialang paidbah kaba la long ha ka shnong Diengpasoh.
Ha ka jingkren jong u myntri kam poh iing u Bah Lyngdoh ula ong ba ka jingdon jong kane ka police station kan iarap shibun ia ki paidbah kiba don ha kitei ki thain. Kane ka pynsuk ia ki briew katei ka thain bad mynta kin nym don kams huh ban leit sha Rynjah Police Station haba ki don kano kano ka jingdon kam. Kane ka long ka jingkwah jong ka sorkar ban pynpoi kham sha jan jong ki paidbah ia ki jingtrei jong ka sorkar.
Ki shnong ki ban hap hapoh jong kane ka Diengpasoh Police Station ki long khatwei tylli bad kita ki long ka shnong Sohlaper, Mawiong, Ummir, Mawsharoh, Mawthumthum, Ryngksaw, Diengpasoh, Jaroit, Mawkhanu, Mynriang bad Nonghali.
Kiba la ia don lang ha kane ka sngi ki long u MDC jong kane ka jaka u Bah Pyniad Sing Syiem, u Dr. S.B. Singh, DGP, u Bah G. Wahlang, Sordar Diengpasoh u DC jong ka East Khasi Hills District u Bah P S Dkhar u ba la pule ia ka jingpynbna sorkar bad ai sha u Bah B. Marbaniang u fficer-in-charge jong ka Diengpasoh Police Station. Kiwei kiba la don lang ha kane ka sngi na ka liang jong ki heh pulit ki long u Bah AR Mawthoh DIG jong ka Eastern Range.
