Shillong, Risaw 22: U Myntri Rangbah Duh, u Narendra Modi mynta ka sngi u la pliepaidbah lyngba ka video conferencing ia ka RozgarMela – ka jingpynrung kam ia 10 lak ngut ki briew. Ha kane ka sngi, la ai ruhia ki shithipynskhem kam ia palat 75,000 ngut ki briew ba dang shu ioh kam.
Ha ka jingai jingkren jong u ia kine ki briew, u Myntri Rangbah Duh u la ai khubleiDhanterasshuwa ia ki. “Kane ka dei ka sngi jong ka jingiasoh kaba thymmai lyngba ka RozgarMela kaba la pyniasoh bad ki kam kiba iadei bad ka jingthung kam bad ki jingseng kam lajong ha ka ri kiba la iaid la 8 snem mynta,” u la ong.
U Myntri Rangbah Duh u la ong ba da kaba kynmaw ia ka jingdap 75 snem ka jingioh jinglaitluid, ka Sorkar Pdeng ka la ai ia ki shithipynskhem kam ia 75,000 ngut ki samla hapoh kane ka prokram.
“Ngi la rai ba ka jingai ia ki shithipynskhem kam ha kajuh ka por ka dei ban sdang khnang ba ka jingsngew ban pyndep ia ki projek ha ka por kaba la buh ka wanha baroh ki tnat,” u la ong ban batai ia ka daw jong ka RozgarMela.
Ha ki sngi ban wan ruh, ki briew kin ioh ia ki shithipynskhem kam jong ki na ka Sorkar na ka por sha ka por. “Nga sngew kmen ba ki don bun ki jylla ba synshar da ka NDA bad ka BJP ki ban pynlong ia kum kine ki Mela”, u la bynrap.
Da kaba pdiang bad kdew ia ka jinglong kyrpang jong ka por ba ki la rung ha ka kam, u Myntri Rangbah Duh u la ong ia kito kiba la ioh kam ba ha ka AmritKaal, ban pynurlong ia ka jing thmu ban ioh ia ka India kaba la kiewshaphrang, ngi dang iaidshakhmat na ka bynta ka India kaba lah ban pyndap hi ia la ki jingdonkam.
U Myntri Rangbah Duh u la ong ba ki nongsaindur thymmai, ki nongseng kam lajong, ki trai karkhana, ki nongrep bad ki briew kiba don ha ki kam shna mar bad ai jingshakri ki don ka bynta kaba khraw ha ka jingialam ia ka India ha ka lynti jong ka jingpyndap ia la ki jong ki jingdonkam.
U la kren shaphang ka jingdonkam ka SabkaPrayas, ha kaba u la ong ba ki jingpyrshang jong baroh ki briew ka long kaba kongsan ha kane ka jingiaid lynti bad ba kane ka jingsngew SabkaPrayas ka lah ban wan tang haba baroh ki jingshakri ki poi sha baroh ki briew.
U la ong ba ka jingpyndep ia ka jingjied ia ki briew ban rung ha ki lak tylli ki kam kiba suda ha ki katto katne bnai bad ka jingai ia ki shithipynskhem kam ka dei ka dak jong ka jingkylla ha ka rukom treikam ka Sorkar ha kine ki 7-8 snem ba la dep. “Mynta, ka rukom treikam ka dang kylla,” u la ong.
“Ka jingstet ka rukom treikam ha ki tnat Soarkar ka la kiew namar ki sienjam jong ki Karmayogi jong ngi”, u la ong. U la kynmaw ruh ia ki por ha kaba ka jingpyrshang ban ioh kam Sorkar ka long kaba bun bynta bad ha kaba ka jingiashahshiliang, ka jingbamsap ka long kaba khlain bha ha ka jingjied mano ban ioh kam.
U la ong ba ki sienjam ha ki snem ba dang sdang ka Sorkar jong u, kum ka jingsakhidalade ia ki kot ki sla bad ka jingpynduh ia ki interview na ka bynta ki post Group C bad Group D jong ka Sorkar Pdeng ki la iarap ia ki samla.
Mynta, ka India ka don ka ioh ka kot kaba don ha ka kyrdan kaba 5. La pynurlong ia kane namar ki jingpynkylla ha ki 8 snem ba la dep. U Myntri Rangbah Duh u la ong ba ngi la jam shakhmat na ka kyrdan kaba 10 sha kaba 5 ha kine ki 7-8 snem ba la dep.
Da kaba pdiang ia ka jingeh ha ka ioh ka kot ba ka ri ka iakynduh, u Myntri Rangbah Duh u la ong ba ka India ka la lah ban iada na kine ki jingeh. “Kane ka la jia namar ha kine ki 8 snem ba la dep, ngi la pynduhnoh ia kito ki jingduna ha ka ioh ka kot jong ka ri kiba pynmih jingeh,” u la ong.
Ha kaba kren shaphang ki kam kiba kham bunkam kum ka rep, ki kam lajong bad ki MSME, u Myntri Rangbah Duh u la ong ba ka long kaba donkam bha ban pyntbit ia ki samla na ka bynta ka lawei kaba kham bha.
“Mynta ngi ban jur bha halor ka jingpyntbit ia ki samla. Hapoh ka PradhanMantriKaushalVikasYojana, ka kam kaba heh bha ka dang iaidshakhmat ban ai jinghikai ia ki samla katkum ki jingdonkam ha ki karkhana jong ka ri,” u la ong. 1.25 klur ngut ki samla ki la ioh jinghikai hapoh ka Skill India Abhiyan.
La plieia ki KaushalVikas Kendra bad ki jaka ai jinghikai ha kylleng ka ri, u la iathuh. U Myntri Rangbah Duh u la ong ruh ba ki sienjam kum ka jingplie lad ha ka drone policy, ka space policy, bad ka jingai ram haduh T 20 Lak klur hapoh ka Mudra Yojana ki la iarap bha. “Ym pat ju don ka prokram seng kam lajong kaba heh haduh katne katne ha ka ri”, u la ong.
Ha ryngkat ki self-help group, u la ong ba ka Khadi bad village industry ki dei ki dak kiba biang bha jong ka jingseng kam lajong ha ki shnong. Kane ka dei ka sien kaba nyngkong ba ka jingshongdor ka Khadi bad Village Industries ka la tam ia ka T 4 lak klur bad la plie lad ban ioh palat 4 klur ki kam ha ka Khadi bad Village Industries. “Bun ki longkmie ki don la ka bynta ha kane,” u la ong.
U Myntri Rangbah Duh u la ong ba ka Start-Up India campaign, ka la pyni ia ka bor jong ki samla ka ri sha baroh kawei ka pyrthei. Kumjuh, ki MSME ki la ioh ka jingkyrshan ha ka por jong kane ka khlam ha kaba la iada ia 1.5 klur tylli ki kam. Ka MGNREGA ka ai kam ia 7 klur ngut ki briew ha ka ri, u la bynrap.
Ka kam kaba heh tam ha ka ri ha kane ka juk kaba mynta ka dei ka ‘Make in India’ bad Atmanirbhar Bharat. Mynta ka ri ka dang kylla na kaba shalan mar nabar ri sha ka ri kaba dang khlain shuh shuh ha ka jingshalan mar shabar ri. Ki bun ki kam ha kaba ka India ka dang iaidshakhmat ban long ka nongialam mynta. U la ong ka rekod ha ka jingshalan mar shabar ri ka dei ruh ka dak jong ka jingkiew ha ka jingioh kam.
Ka Sorkar ka dang trei pura ha ki kam shna mar bad ki kam jngohkai namar kine ki don bha ia ki lad ai kam,” u la ong. La pynsuk ruh ia ki kam ban plie lad ia ki kompani na kylleng ka pyrthei ba kin wan sha India, shna ia ki karkhana jong ki bad pyndap ia ki jingdonkam jong ka pyrthei.
Ka Sorkar ka la sdang ruh ia ka skhim PLI ban ai jingmyntoi haba pynmih mar. Katba dang lah ban pynmih mar, katta dang ioh jingmyntoi, kane ka dei ka polisi jong ka India. Ia ki jingmyntoi ba mih na kane la iohi ha ki kam bapher bapher mynta. Ki jinglap ka EPFO kiba la sdang wan ha kine ki snem ba la dep ki pyni katno ki polisi ka Sorkar ki la iarap ha ka jingplie lad ioh kam.
U la ong ba katkum ki jingshem ba la wan ha kine ki ar sngi ba la dep, ha u bnai Nailar mynta u snem, kumba 17 lak ngut ki briew ki la iasoh bad ka EPFO bad ki la don ka bynta kaba skhem ha ka ioh ka kot jong ka ri. U la ong ba kumba 8 lak ngut kine ki briew ki dei hapdeng 18 bad 25 snem ka rta.
U Myntri Rangbah Duh u la kren ruh shaphang ka jingplie lad ioh kam na ka jingwanrah ia ki jingdon jingem. U la ong ba la dep siang surok bah da ki hajar kilometre ha kylleng ka ri ha kine ki 8 snem ba la dep bad ka kam ka iaidbeit ha ka ri na ka bynta ka jingpynlong ar bynta, ka jingpynkylla gauge, bad ka jingwanrahbording ia ki lynti rel.
U la ong ruh ba dang shna ia ki kad liengsuin ba thymmai ha ka ri, ki kad rel ki dei kiba dang pynthymmaikatkum ka juk mynta, bad dang shna ruh ia ki lad lyngba ki jaka shongum. “Palat 3 klur ki iing ki dei kiba ladep shna hapoh ka PM AwasYojana”, la ong u Modi.
U Myntri Rangbah Duh u la ong ba ka Sorkar Pdeng ka dang trei ha ki bynta bapher bapher ha kajuh ka por ban plie lad ioh kam shuh shuh ha ka ri. U la ong ba ka Sorkar Pdeng ka trei da ka thong kaba palat shi spahlak klur tyngka ha kaba iadei bad ki jingdon jingem. U la ong ba ki kam na ka bynta ka roi ka par ki dang iaidshakhmat kiba plie ia ki lad ioh kam ia ki samla ha ki jaka sah jong ki.
U Myntri Rangbah Duh u la ai nuksaia ki jaka kiba kyntang bad kiba don jingiadei bad ka histori kiba dang kyntiew ha kylleng ka ri. U Myntri Rangbah Duh u la ong ba ki kam na ka bynta ki jingdon jingem katkum ka juk mynta ki la pynkhlain ruh ia ki kam jngohkai bad ki la plie ia ki lad seng kam lajong ia ki samla ha ki jaka kyndongkynshrot ruh.
U Myntri Rangbah Duh u la ong ba ka bor kaba khlain tam jong ka India ka dei ki samla jong ka ri. Ki dei ma ki kiba long ka bor jong ka India kaba la kiewshaphrang ha ka Azadi ka AmritKaal. U Myntri Rangbah Duh u la kyntu ia kine ki briew kiba la ioh kam thymmai ba kin kynmawbeit ia ka ‘Kartavya Paths’ jong ki haba ki rung ha ki ophis.
“La thung kam ia phi na ka bynta ka jingai jingshakri ia ki nongshongshnong jong ka ri,” u Myntri Rangbah Duh u la ong. Ha kane ka juk mynta, ka kam Sorkar kam dei tang shaphang ki lad ba phi ioh hynrei ka dei ka jingkut jingmut bad ka kabu ksiar ban ai jingshakri ia ki briew na baroh ki bynta jong ka ri ha ka por kaba biang, la ong u Myntri Rangbah Duh.
Kane ka sienjam mynta ka sngi ka long kaba kongsan ban pynurlong ia ka jingthmu jong u Myntri Rangbah Duh ban plie lad ioh kam ia ki samla bad ban pynthikna ka bha ka miat jong ki briew ka ri. Katkum ki jingbthah u Myntri Rangbah Duh, baroh ki tnat Sorkar ki dang ialeh ban pyndap ia ki post ba suda kiba la dep sanction ha ka rukom treikam Mission Mode.
Kito kiba la rung ha ka kam, ia kiba la jied na kylleng ka ri kin rung kam ha 38 tylli ki tnat ka Sorkar Pdeng. Kin rung kam ha ki kyrdan bapher bapher kum Group – A, Group – B (Gazetted), Group – B (Non-Gazetted) bad Group – C. Ki post ha kaba la pynrung kam ia ki,ki kynthup ia ki shipai Central Armed Force, Sub Inspector, Constable, LDC, Steno, PA, Income Tax Inspectors, bad MTS ha ryngkat kiwei kiwei.
La thep kam ia kine ki briew ha ka rukom treikam Mission Mode da ki tnat Sorkar dalade lane lyngba ka jingthung kam lyngba ki kynhun kum ka UPSC, SSC bad Railway Recruitment Board. La pynsuk ia ka jingjied ia ki nongthep kam bad la plie lad ban pyndonkam ia ka teknoloji ban pynstet ia ka jingthep kam.
Ha Shillong ia kane ka Mela ban sam ia ki shithi thungkam ha ki tnad ka sorkar pdeng la wan ban ia shim bynta da u myntri ka tnad ain ka sorkar pdeng u Kiren Rijiju ia kaba la pynlong ha jaka ieng kali ha Polo.
