Shillong, Rymphang 17: Mynta ka sngi ha ka por 10.30 ei ei mynstep katba ka kong Syrpailin Thongni ha ka shnong Photjaud katba ka dang leit saitjain ka iing jong ka kala pluh bad ha kane ka jingjia ka iing baroh kawei kala julor.
Katkum ki lad khubor kiba la ioh la iathuh ba ha kane ka por ba pluh kane ka iing hapoh iing ki don ar ngut ki khynnah kiba dang rit, hynrei da ka jingshlur jong u hep rit Jenestar Thongni khun jong ka kong Lestina Thongi u la ioh ban pynlait ia ki ar ngut ki khynnah na ka jingmynsaw.
Da ka jingshlur jong u hep Jenestar ba dang 12 snem ka rta la lah ban pynlait im ia ki khynnah ar ngut kiba don hapoh iing, kane ka jingshlur kala pynlait im ia ar tylli ki mynsiem.
Ki para shnong haba kila iohi ia kane ka jingklang ka ding kila ia mih ban iarap ban tem ia ka ding hynrei ym shym la lah shuh ban tem ka ding kala pynjulor lut khoit ia ka iing bad ia ki jingdon jingem baroh.
