Shillong, Jylliew 13: Ki ar ngut ki shikurim na ka jylla West Bengal, u Pradip Biswa bad ka Sangita Bisawa kila wan jngoh ia ka jylla Meghalaya da kaba niah da ka Baiskil kum shibynta ban iaid ialap sha ki nongshnong ka jylla ba don kam ban tygnkai ia ka spah jong ka mei mariang bad ia ki sawdong sawkun jong ka.
Kine ki shikurim kila ia thuh ba kila mih na Tinhura jong ka Hugli District na West Bengal naduh ka 28Th Iaiong 2023 bad mynta kila iaid kumne haduh 47 tylli ki sngi haduh ban da poi sha kane ka jylla bad kin dang bteng ban leit jngoh sha kiwei ki jylla kane ka thain shatei lam mih ngi ka Ri India.
Haba poi sha ki bynta jong ka jylla Meghalaya kila pynpaw ia ka jingsngewkmen bakim lah khlem da iaroh ba ki khlaw ki btap ki dang jyrngam bad kila kyntu jur ba ki nongshong shnong ki dei ban dang tyngkai ia ka mariang nangne sha khmat, namar ka jingdon ki dieng ki siej ki briew ki dang ioh ka lat ban ring pynhiar mynsiem ia ka lyer kaba khuid.
Ha kane ka jingiaid hpoh ka jylla la iohi ba ki don ki bynta ba la sdang ban ot ia ki lum bad pomia ki dieng bad kane kan long ka jingma ia ka jingim briew ha dien ha bud lada ym don ia ki dieng ki siej yn nym ioh shuh ia ka lyer kaba khuid bad kan wanrah ia ka jingtyrkhong ha ki um bam umdih,Kine ki shikurim kiba la iaid da ka Baiskil ban ialap pynneh mariang kila ai kyrteng da ka Matrivumi Local , ka “All India Couple Tour”
