Shillong, Jymmang 10: U Chief Electoral Officer jong ka jylla Meghalaya u bah F.R Kharkongor u la pyntip ba ka jingtheo vote ban jied ia u MLA ba thymmai na ka 23-Sohiong (ST) Assembly Konstitwensi ki poi 91.87% kane ka khaw kiew ba ia kaba la dep, ha kaba la dep poi 90.46% kane ka long katkum ka jingkhien kaba la ioh ha ka por 6 baje noh sngi.
Kane ka jingkiew ha ka jingthep vote ka long ba ka jingdon ki nongthep vote ki don 34783 ngut, ki kynthei ki don 17687 ngut, ki shynrang ki don 17096 ngut, kumba ka long kham bun ka jingdon ki kynthei kiba thep vote.
Ka jingtuid jong ki nongthep vote sha ki jaka thep vote ka long naduh mynstep, kiba bun eh ki nongthep vote dei ha Mawmaram B 96%, Kharangoi 96.5 % bad Nongrikmen kiba la poi sha ka 96.3 %, kitei ki polling station ki nongthep vote kila palat 96%. Ha kane ka jingthep vote baroh ki EVM Mashin kila iaid beit iaid ryntih, tang ar tylli ki VVPAT ki don jingthud bad la bujli ia ki.
Mynta ka sngi la ioh ban kurup shibun ka kyaid bad lda khein ha ka dor jong ka pisa kala kot sha ka T. 4 lak tyngka, katei ka kyiad ka ioh ban kem na ki ar tylli ki kali, ki pulit station kiba la pyndon kam ia ki kot ki bor ki long 60% bad la peit bha ia ki jaka thep vote.
Ban pyniaid beit ia ka elekshon la pyndon kam 5 Kompeni ki pulit CRPF, ha kane ka sngi la ai khusnam ruh ia kito kiba la wan ha khmat eh ban thep vote jong kiba 18 +, ka elekshon ha kane ka sngi kala iaid beit iaid ryntih khlem da don kano kano ka jingjia ne pynthud.
