Shillong, Naitung 25: Ki nongtrei jong ka Gardon Robert Hospital Jaiaw mynta ka sngi kila leit ban tur sha ophis jong ka KJP sep ngi ban dawa ia ka jingpynshai balei kane ka hospital mynta kala hiar kyrdan sha ba palat ha kaba ki briew kila kiar na ka jingwan shah sumar ha kane ka kynti kaba mynta.
Haba ki nongtrei kiba kyntup ia kiba trei ha ki kamophis, ki Lab Technician, ki ba pynkhuid ia ka hospital bad kiwei lait noh ki Nurse bad ki Doctor, mynta ka sngi kila tur puk sha katei ka ophis jong ka Balang Presbyterian kaba pyniaid ia kane ka hospital ha dien ba ki bor ba dei peit kila sngap mynthi kim shym la jubab wat la kila dep ban ai da ka jingthoh mynta la shisnem hynrei kam shym la jubab.
Haba kren ha ki nongthoh khubor mynta na ka liang jong ki nongtrei kila ong b aka jingwan ka jong ki sha ki bor ba halor ka long ban kylli na ki ia ka daw jong ka jinghiar kynsan jong kane ka Hospital, na ka jingiohki jong ki ka long ba kane ka hospital kam lah ban pynbiang ia ki dawai, namar ba kim shym la siew ia ka bill sha ki company ba supplu dawai.
Ka jingeh jong ki nongpang kiba wan ban shah sumar ha kane ka hospital ka long ba lada don kam ban tesht ki hap ban leit sha bar bad kum juh ia ki dawai ruh hap ban leit thied na ki jaka ba la phah da ki doctor na kane ka hospital. Kine ki nongtrei ki la kynnoh ba kane baroh ka dei ka jingleh jong u Medical Superintendent.
Ha ka juh ka por la ong ba mynshuwa na ka liang jong ki nongtrei ruh ki don ki nongmih khmat sha ka Managing Committee hynrei mynta kin don shuh ba ka jingshah leh bein ki nongtrei ka long kaba la palat, ki bor ba halor ki juh ong ban nym leit sha ki lad pathai khubor namar ka kam poh ing hynrei mynta kim don lynti shuh ba ki hap ban ia mih paidbah.
Ki nongtrei jong kane ka hospital ki dawa ba ki kwah ban ia kynduh ia u Pastor NS Phawa u ba dei peit ia kane ka Hospital hynrei namar ba ymdon na ka liang jong u Pastor R R Kharkrang u la iathuh sha kine ki nongtrei ba u Pastor Phawa yn nym poi mynta ka sngi bad yn poi tang la shisngi ha dien ka jingpnyntip ki sa iapra bad ki la ong ba kin poi biang ha katei ka sngi.
