New Delhi, Risaw 07: Ka tnat kam pla tyngka mynta ka sngi ka la pyllait haduh T 40,000 klur sha ki Jylla bad ki UT kiba don iing dorbar thaw ain hapoh ka ‘back-to-back loan facility’ ban pyndap ia ka jing duna siew GST. Ha ka 15 tarik u Naitung, 2021 la pyllait T. 75,000 klur sha ki Jylla bad UT kiba don iing dorbar thaw ain.
Lyngba kane ka jingpyllait pisa mynta, ka jingpyllait pisa baroh ha une u snem kum ka ‘back to back loan’ha jaka jong ka jingsiewkylla GST ka la kot sha ka T. 1,15,000 klur. Kane ka jingpyllaitpisalait na ka jingsiew GST kaba man ka por kaba pyllait man ka 2 bnai na ka jinglumkhajna.
Hadien ka jingialang kaba 43 jong ka GST Council ha ka 28.05.2021, ka Sorkar Pdeng kalarai ba kan shim ram haduh T 1.59 lak klur ha u 2021-22 bad pyllait ia kane sha ki Jylla bad ki UT kiba don iing dorbar thaw ain ha ka rukom ‘back-to-back’ khnang ban pyndap ia ka jing duna ha ka jingsiewkylliang namar ka jingduna ka jinglum ha ka Compensation Fund.
Kane ka pisa ka long katkum ki rukom treikam ba la pdiang ha u snem mang tyngka 2020-21, ha kaba la pyllait T. 1.10 lak klur sha ki Jyla ha kane ka juh ka rukom. Kane ka T 1.59 lakklur ban pynbiang ia ki Jylla kum ka ‘back to back loan’ kan lait na ka jingsiewkylliang kaba tam ia ka T. 1 lak klur ba la antad ban pyllait ia ki Jylla bad UT kiba don iing dorbar thaw ain ha une u snem mang tyngka.
La antad ba ka T. 2.59 lak klur kan tam ia ka baisiewkylliang GST kaba lang ha u snem mang tyngka 2021-22. Baroh ki Jylla bad UT ki la mynjur ia kane ka rukom pynbiang pisa ban pyndap ia ka jingduna hapoh ka back-to-back loan. Khnang ban pyniaid beitia ki kam ban tehlakam ia ka khlam COVID-19 bad ka jingkyntiew ia ka jingpyndonkam pisa, ki Jylla bad ki UT ki don ka bynta kaba khraw.
Ban ai jingiarap ia ki Jylla bad UT ha kane ka kam, ka tnat kam pla tyngka ka la pynkhreh ban pyllait ia kane ka pisa hapoh ka kam back-to-back loan ha u snem mang tyngka 2021-22 kaba kot T. 1,15,000 klur , ia kaba sah yn sa pyllait hadien.
Ka jingpyllait ia ka pisa T 40,000 klur mynta ka sngi la bei na ka jingshimram ka Sorkar Pdeng ha ki security ba 5 snem kaba kot T. 23,500 klur bad ki security 2 snem kiba kot T. 16,500 klur ba ka pyllait ha une u snem mang tyngka, ha ka Weighted Average Yield kaba 5.69 bad 4.16 percentha ka shi snem. La antad ba yn ym don shuh kanokano ka jinghap shim ram ka Sorkar Pdeng na ka bynta kane ka jingpyllait pisa.
La antad ba kane ka jingpyllait pisa kan iarap ia ki Jylla bad ki UT ba kin pynkhreh ia ka rukom pyndonkam pisa jong ki ban kyntiew ia ki lad ai jingsumar bad ban pyntrei ia ki projek. Haba phai tang ha ka jylla Meghalaya ka jylla kan ioh T.35.47 klur.
