Shillong, Rymphang 11: Mynta ka sngi u Lat jong ka jylla u Phagu Chauhan u la pynbam smai ia u Chief Justice ba 12 jong ka High Court Meghalaya u Justice S Vaidyanathan ha Raj Bhavan Shillong, ha ka jingiadon lang ki heh sorkar ka jylla Meghalaya.
Ia ka kyrteng jong u Justice S. Vaidyanathan la thung ha ka 2nd Rymphang 2024 ban long Chief Justice ka High Court Meghalaya ha kaba u Lat ka jylla Meghalaya mynta ka sngi u la pynbam smai ban long u Chief Justice ka jylla Meghalaya.
Ia u Justice S. Vaidyanathan, B.A., B.L., la kha ha ka 17th Nailar 1962 ha ka shnong Coimbatore. U la sdang ia ka jingleit skul ka jong u ha ka skul Singaram Pillai High School Villivakkam, Chennai bad pyndep iaka graduation in B.A. (Economics) na ka D.G.Vaishnav College, Arumbakkam during 1979-82.
U la pule iaka ka main na ka B.L. in Madras Law College iakaba la tipmynta kum ka Dr. Ambedkar Government Law College ha u snem 1982-85, ula pyndep ruh iaka Post Graduate Diploma in Personal Management, Labour Welfare bad Industrial Relations ha u snem 1986.
U La pynrung kyrteng ia la de kum u muktiar ha ka 27th Nailar 1986 haduh ban shah thung kum u nongbishar hapoh ka Madras High Court ha ka 14th Iaiong 2025 bad la thung kum u Chief Justice ka High Court Meghalaya ha ka 2nd Rymphang 2024 bad mynta ka sngi u la shah pynsmai kum u Chief Justice ba 12 jong ka High Court Meghalaya.
