Shillong, Lber 05: Mynta ka sngi u nongbishar jong ka iing bishar jong ka KHADC u Judge S Kharsyiemlieh u la pynsmai ia u Bah Pius Marwein na ka party UDP kum u MDC ba pura ha dien ba u la jop ia ka ielskhon shiteng samoi na ka 26-Langrin MDC konstitwensi.
Haba kren ha ki lad pathai khubor ha dien ka jignpynsmai na ka liang jong u Bah Titosstarwell Chyne nongialam ka UDP ha KHADC, u la iathuh ba ha ka kynhun UDA mynta kila don 19 ngut bad shen kin sa leit ban ai ia ka jingthoh sha ka sorkar ban weng noh ia ka Administrator Rule na KHADC.
Haba jubab ia ki jingkylli haba ia dei bad ka jingthoh jong ki saw ngut ki MDC kiba ia don lang ha ka UDA na ka liang jong u Bah Chyne u la ong ba haduh mynta u dang dei tang u nongialam jong ka UDP, ban jied ia u nongialam jong ka UDA kin hap ban dang ia shong kum ka kynhun.
U bah Chyne u la ong ha ka jingshisha kane ka dei ka kam poh iing lada don kano kano ka jingeh ki dei ban ia kren hapoh iing ym ban leit thad sha bar jong ka iing. U la ong bbiang ba kane ka dei ka kam poh iing.
Haba ia dei bad ka jingjied ia u nongialam naduh ba sdang ka UDP bad ka NPP kila shim ia ka rai ba ia ka kam nongialam ha KHADC dei ban ialam da ka UDP bad ha JHADC kan ialam da ka NPP, kane ka dei ka rai kaba kila shim.
U Bah Pyniaid sing Syiem na ka NPP u ba la ia don lang ha kane ka jingpynsamai ia u bah Pius u la ong ba ka dei ka jingshisha ba la shim ia kane ka rai ba ka kam nongialam hapoh jong ka KHADC dei na ka UDP bad ka NPP ka burom ia kane ka rai.
