Shillong, Nohprah 12: Mynta ka sngi u bah Pyniaid Sing Syiem CEM jong ka KHADC u la aiti ia ka trok kit synrum hapoh ka Hima Khyrim ba kin pyndon kam ban kit ia ki niut ki Synrum ka iew Smit , ia kane ka kali la beipisa lyngba ka Chief Minister Special Development Scheme (CMSDS).
Haba kren ha kane ka jingialang u bah Pyniaid la ong ba ka jingeh mynta la ka dei ha sor ne nyngkong don ia ki nongmih khmat ne kiba pyniaid shnong ka dei ba kumno ban ia leh ban pynkhuid ia ki synrum bad u la ia nuksa ia ka sor Jowai haduh ba ki paidbah ki hap ba Iakhih paidbah.
La ong ba ka KHADC kala don ia ka Solid Waste Management Act, 2020 bad mynta kin sa pyntip paidbah shen iaki rule kiba la pynwan dur thymmai bad ha kine ki rule yn ai bor ia ki dorbar shnong ban pynshitom ia kiba pynkhein ain, lyngba kane ka ain kila buh ia ka shnat trei kam hapoh KHADC ban peit kyrpang tang ia kane ka kam ban ialeh ban pynkhuid ia ki synrum.
Ha kane ka jingialang u la pynbna ba ka KHADC kan shna ia ka “Resource Recovery Centre (RRC) ha Smit bad u la kyrpad ia ka dorbar shnong ne ka Hima Khyrim ba kin I ia ka jaka ban shna ia ka RRC bad la pynbna ruh ba kane kan nym duna ia ka T.50 lak tyngka, kane kan nym dei tang ka jaka ban lum ia u synrum hynrei kan long ka lat ioh kam ia ki briew.
Haba ia dei bad ka Iew ha Smit, la ong ba katba dang mih ki sngi ka jingeh jong ka iew kala dang heh bad ka jingeh kaba ha khmat eh ka long kumno ban pynkhuid ia u synrum kane ka jingai ia kane ka kali lyngba ka skhim CMSDS kan long tang ka jingsdang, haba ia dei bad ka iew la dep ban pynkhreh shen kin sa ioh ia ka jingmynjur.
Ha kane ka sngi la ioh ruh ia ka jingkren na u bah Karnes Sohshang EM ba de peit ia ki kam pynroi bad u bah Fantine Joseph Lakadong EM ba dei peit ia ka khajna, u sordar ka shnong Smit u bah Pynshongdor L Nognbri .
Ia ka jingkren pdiang sngewbha la kren da u Pa,im Dr. Balajied Sing Syiem ka Hima Khyrim, ia ka jingialang la pyniaid da u myntri B Sohtun bad la kren ai khublei ban pynkut ia ka jingialang da u Syiem khynnah u Pa,im Habapan Sing Syiem, ha kane ka sngi la don lang ki Myntri ki bakraw ka hima ban ia sakhi lang ia kane ka sngi.
