The Prime Minister, Shri Narendra Modi addressing at the inauguration and foundation stone laying ceremony of key projects of the Power and Urban sector in Kerala, via video conferencing, in New Delhi on February 19, 2021.
Shillong, Jymmang 15: U Myntri Rangbah Duh jong ka ri u la pynlong ia ka jingialang mynta ka sngi ban iakren halor ka jinglong jingman jong ka khlam Covid bad ka kam ai dawai. Ki ophisar ki la ai jingtip ia u Myntri Rangbah Duh shaphang kine ki kam ha kylleng ka ri.
La iathuh ia u MR ba ka jingtest ka la kiew bha ha ka ri, na ka 50 lak ki test ha ka shi taiew ba la pynlong ha u taiew ba nyngkong jong u Lber sha ka 1.3 klur ki test ha ka shi taiew mynta. Ki la iathuh ruh ia u MR ba ki case mynta ki dang duna suki suki bad ba kito kiba ioh jingkoit ki la kham bun.
La ong ba ki case kiba la poi haduh 4 lak ha ka shi sngi mynta ki la hiar namar jong ka jingtrei shitom ki nongai jingsumar, ki sorkar jylla bad ka Sorkar Pdeng.
Ki ophisar ki la batai bniah shaphang ka jinglong jingman jong ka khlam Covid ha ki distrik bad ki jylla, ka jingleh ia ki test, ka jingdon ka oxygen, ka jingbiang jong ki lad ai jingsumar bad ka rukom ai dawai.
U MR u la ong ba ka jingtehlakam ia ka khlam ha ka imlang sahlang ka long kaba donkam bha ha man ki jylla kiba bun ia ka TPR. U MR u la hukum ba dei ban pynkhlain shuh shuh ia ki jingtest da kaba pyndonkam ia ka RT PCR bad ki Rapid Test, khamtam ha ki jaka ba bun ki case positive.
U MR u la ong ba dei ban pynshlur ia ki jylla ban ai jingtip kaba beit shaphang ka jinglong jingman jong ka khlam ha ki jaka jong ki khlam da pynshitom ne niew bein ia ki lada bun ki case.
U MR u la ong ruh ba dei ban pynkhlain ia ki lad ai jingsumar ha ki jaka nongkyndong ha kaba dei ban don ka jingtest bad ka jingpeit bniah ha man ka thliew iing. U MR u la ong ba ia ki hukum bad ki jingbthah dei ban ai ha ki kyntien kiba shai bad kiba suk ha ryngkat ki jingdro ba batai shaphang ka jingpynsah marwei ia ki nongpang ha la iing bad ka jingai jingsumar ha ki jaka nongkyndong.
U Myntri Rangbah u la ong ruh ba dei ban saindur ia ka rukom ban pynthikna ka jingpynbiang oxygen sha ki jaka nongkyndong kaba kynthup ruh ia ka jingpynbiang ia ki Oxygen Concentrator. U Myntri Rangbah Duh u la ong ba dei ban ai ka jinghikai kaba donkam ia ki nongai jingsumar khnang ba kin nang ban pyndonkam ia ki tiar ai jingsumar khnang ba kin lah ban pyndonkam hok ia ki.
U Myntri Rangbah Duh u la peit ruh ia ki khubor ba don ki ventilator kiba shu buh kai ha katto katne ki jylla bad u la ong ba dei ban niew shisyndon ia ki ventilator ba pyndonkam hadien ba la pynbiang ia kine da ka Sorkar Pdeng sha ki sorkar jylla.
U Myntri Rangbah Duh u la ong ruh ba ki nongai jingsumar ki dei ban ioh biang ia ka jinghikai kumno ban pyndonkam ia ki ventilator lada ki donkam kum kane ka jinghikai.
U Myntri Rangbah Duh u la ong ba ka jingiakhun jong ka India pyrshah ia ka khlam Covid ka dei kaba ialam lynti da ki stad science bad ki riewshemphang ha kine ki kam bad ba kane ka jingialam jong ki kan dang bteng.
Ki ophisar ki la iathuh ia u MR shaphang ka jingai dawai bad ka jinglah ki jylla ban leh ia kane ka kam na ka bynta kito kiba la palat 45 snem ka rta. La iakren ruh shaphang ka rukom ai dawai nangne shakhmat. U MR u la bthah ia ki ophisar ba kin iatrei lang bad ki jylla khnang ban pynstet shuh shuh ia ka kam ai dawai.
