Shillong, Kyllalyngkot 08: U President ka party HSPDP u bah KP Pangniang mynta ka sngi la pynbna sa laingut ki kyrtong ban ia khun ia ka MDC elekshon sha ka iing dorbar jong ka KHADC ka ban long ha ka 21/ Rymphang /2025.
Ki lai ngit ki kyrtong ki long u bah Starfing Jove Langpen Pdahkasiej na ka 11-Mawsynram MDC Konstitwensi, ka kong Phinda Warjri na 24- Pariong MDC konstitwensi bad u bah Srally Rashir na 29-Mawshynrut MDC Konstitwensi.
U President ka party bah K P Pangniang haba kren ha ki lat pathai khubor ha dien bala dep ban pynbna ia ki kyrteng jong ki kyrtong, la ong ba ka party HSPDP naduh ba la seng ia ka ha u snem 1968 ha duh mynta kam pat kylla ia ki nongrim.
Ka party ka leit sha ki paidbah ha kane ka elelshon mynta ka long halor ki lai tylli ki nongrim kaba ka party kala suit la shor, kita ki long “Ban pynneh pynsah, Ban ker ban da, ban Pynbha”. La ong ba ka party kan dang pynlait shuh ia ki kyrteng ha ka thup kaba lai.
Ha kane ka sngi la don lang baroh ar ngut ki MLA jong ka party u bah Methodius Dkhar bad u bah Shakliar Warjri ba dei ruh myntri ka sorkar jylla bad kiwei kiwei ki nongkit kam jong ka party kila don lang.
