Shillong, Nohprah 06: Mynta ka sngi ka sorkar lyngba ka tnad kam poh iing kala pynmih ia ka jingpynbna sorkar ba la shna Police Out Post ha shnong Barato ia kaba la tip kyrteng kum ka Barato Police out post ka ba dei hapoh jong ka West Jaintia Hills District, ia kane la pyntip da u Secretary ka sorkar Meghalaya na ka tnad kam poh iing ka sorkar jylla.
Ha kane ka jignpynbna la kdew ia u pud u sam jong kane ka police Outpost, na shatei ka don ka Saitsama outpost, ka Jowai Police Station na mih ngi, na shathi da ka Raliang Out post bad ka Nartiang Police Station na sep ngi.
Ki shnong ki ban hap hapoh jong kane ka Barato Police Out Post jong ka Barato ki don 20 tylli ki shnong kiba kynthup ia ka Barato, Mukroh, Saba, Maitdien, Jongkynshur, Iongkwang, Thangrain, Khliehsniriang, Shiliangmyntang, Thadsning, Thad Ialong, Musiaw, Samatan, Moobandu, Latymphu, Thadbamon, Umsalang, Lummuriap, Sowkhlieh and Bhain. Kane ka Barato Police Out Post kan hap noh hapoh jong ka Nartiang Policre Station.
