Shillong, Jymmang 18: U Symbut Myntri Rangbah ka jylla u bah Prestone Tynsong mynta ka sngi la pynbna ba ka sorkar kala shim ia ka rai ban khangdang shiphew sngi lynter hapoh jong ka East Khasi Hills District naduh 8.00 baje mynmiet la shai ka sngi haduh 5 baje mynstep jong ka 31 tarik Jymmang 2021.
Haba kren ha ki lat pathai khubor mynta ka jan miet la ong ba ha dien ba la iohi ba kane ka jingpang COVID-19 kala dang kiew ha ka jylla bad khamtam eh hapoh kane ka East Khasi Hills District, ka sorkar kam ban se ban shim ia kane ka rai ban pynjari noh da ka jingkhangdam syndon.
Ia ki jingdon kam la aiti sha ka District Administration ba kan peit ia ka jingdon kam ha kaba ia dei bad ka thied ka pet, na ka liang jong symbut myntri rangbah u la kren shai ba ki paidbah kim dei ban syier namar ka jingdon ki mar bam mardih ki biang mynta ha ki iew ki hat.
Haba ia dei bad kiwei ki District jong ka jylla na ka liang jong ka sorkar kala aiti sha ki Deputy Commissioner ba kin peit bad ba kin pynmih ia ki jingpynbna katkum ka jingdon kam ha ki District kaba ki don, la ong u myntri rangbah.
