Shillong, Iaiong 11: Ka Pine Mouth School ha ka 11 Tarik ïaiong 2025 , ka la rakhe ia ka jingdap 125 snem lane ka Quasquicentential jongka ha ka jingiadon lang u symbud myntri rangbah ka jylla u bah Prestone Tynsong, u Myntri ka tnad pule puthi u Rakkam A Sangma, u bah H M Shangpliang u adviser ka tnad pule, ki heh ophisar ki nonghikai, ki khynnah skul bad kiwei kiwei.
U bah Prestone Tynsong haba ai jingkren ha ka jingialang rakhe dap 125 snem katei ka jaka pule u la ai jingiaroh ia ka skul ia ka jinglah jongka ban long kawei na ki skul ba la lah ban ioh bat ia ka kyrdan ba 23 napdeng ki 800 tylli ki ki skul bala heh ha ka ri india, u la ai ka jingiaroh ia kane bad kane ka jinglah ka skul ka rah ia ka kyrdan jong ka jylla baroh kawei.
U la buh ruh ka jingkyntu ia ka Management ba kin iakhun ban bat ia ka kyndan ba 23 bad lada lah lei ban long ha ka kyrdan ba 10 katno ka long ka jingsarong ia ka jylla. Dei tang ka Pine Mouth skul ka ba la pyniaid da ka sorkar jylla. Ka Pine Mouth School ka dei ka branded skul.
U bah Prestone Tynsong u la ong ba ka sorkaw ka kwah ban pynbha pynitynnad ban pynthynmai ban thaw ki ingskul kumba 6 klur la mang na ka bynta ka skul ban pynbha bad pynitynnad shuh shuh ia kane ka jaka.
U bah Prestone u la kyntu ia ki nongpyniaid ka Pine Mouth School ba hadien shitaiew kin wan kynduh ia u ha ryngkat ka blueprint khnang ban pynthikna ba kane ka skul ka long kaba hakhlih duh ban ia kaba kham mynshuwa.
Na ka liang ka sorkar ka long ba la kloi ban iarap bad ha kane ka snem 2024-24 kaba financial year ka sorkar jylla ka la pynlud kumba lai hajar sanspah laiphew phra klur tam bad na ka bynta u snem 2024-26 ka sorkar ka la phah ia ka junglud kaba kot sha ka lai hajar hyndriew spah laiphewsan klur tam na ka bynta ka pule puthi ha ka jylla bad ka sorkar ka la phah ia ka budget ka ba heh tam na ka bynta ka pule puthi.
