Shillong, Jylliew 12: Mynta ka sngi ka Rev. J.J.M Nichols Roy Memorial Committee hapoh ka jingialam jong u bah Ransom Sutnga kum u shongknor ka kommittee kila rakhe kynmaw burom ia ka sngi kha ba 139 snem jong u kpa ka Sixth Schedule u Rev J J M Nichols Roy ha ka jingialang ha Qualapaty.
Ha kane ka jingrakhe ia kane ka sngi kha na ka liang jong ka kommittee kala pynkup burom ia samla pule kiba la pass bah na ka skul kaba la seng da u tei u riew rangbah jong ka jaid bynriew bala pynsah nam da kaba pynioh ia ka Sixth Schedule ka riti synshar ka Ri India ban iada kyrpang ia ki riewlum.
U bah Hoji Suting General Secretary ka kommittee la iathuh ba ia u Rev J J M Nichols Roy la kha ha ka shnong Mawsawiat kaba hap hapoh jong ka Shella Confederation ha ka 12th Jylliew 1884 bad u dei khun ksiew jong u Syiem Tirot Sing ka Hima Nongkhlaw bad u la sdang ban pule ha ka skul Laba.
Ha u snem 1897 ba don u Jumai bah, ka iing ka sem jong u J J M Nichols Roy kam shym la julor haduh katta katta ka dang long ban shong ban sah hynrei na ka bynta ka jignshngian kila kynriah noh sha ka shnong bad ha u snem 1889 la leit ban pule noh sha Kolkatta Scotties College.
Naduh katei ka por u la ioh ia ka nam ba u long shisha u riew sain pyrthei ba khraw tam ba kum ka jaidbynriew Khasi bad Jaintia kala sei ha kaba u la shah jied ban long u kdhot ka “Constituent Assembly” ka dorbar bah jong ka Ri India bad dei uwei na ki shiphew ngut na ka jylla Assam ban don ha ka kommittee ban pynioh ia ka Sixth Schedule.
Ha kane ka sngi la don lang ki dkhot jong ka Rev. J.J.M Nichols Roy Memorial Committee, ki nongialam na ka Balang u Blei, ban ia don lang ha kane ka jingkynmaw burom ia kane ka sngi kha ba 139 snem jong u tei u riew khraw jong ka jaidbynriew khasi bad Jaintia.
u Rev James Joy Mohan Nichols Roy u la im 75 snem bad shibun bah ki kam u la pyndep ha kane ka sla pyrthei kaba pynsah kynmaw bad kaba la long ka jingkyrkhu ki ba khraw Ia ki longdien ka jaitbyndriew Khasi-Jaintia.
Ha kane ka sngi la wan ban long kongsan ha katei ka jingialang da ka Prof Mrs Badaplin War kaba dei ka Padma Shri. la wan ban ki nongialam ka Balang U Blei Ha ka ba u James Joy Mohan Nichols Roy u long u nongseng jong ka Balang.
Kum shi bynta ban pynshlur bad ban Nang ai mynsiem ia ki samla pule ki ba pule ha ki kyrdan ba pher ba pher kane ka committee ka la pynlong ruh ia ka jingpynkup burom ia ki lai ngut ki samla pule ba la pyndep ia ka kyrdan Bachelor of Arts, na ka JJM Nichol College.
Ki samla ba ioh ia kane ka award ki kynthup ia u samla Overland Kharumnuid (political science department)2018, ka samla Eshalness Lyngdoh (Khasi department) 2019,ka samla Airiwis Nongbet (Khasi department)2019
Ka Prof Mrs Badaplin War haba ai jingkren ha katei ka jingialang kum ka kongsan ka la ai ki kyntien ai mynsiem ban kyntiew bad ban nang pynshlur shuh shuh ia ki khynnah ki ba dang pule mynta ha katei ka college,.
Kala pynpaw ruh ia ka jinglah jong kane ka committee ban pynlong ia kane ka Program ba ki ban wan pule ha kane ka shlem ai jinghikai kin long ban ioh mynsiem bad ban nang lehbha shuh shuh ha ki kyrdan pule jongki ha kine ki sngi ki snem ban wan..
