Jowai, Nailar 22: Ka seng BJP Meghalaya ha kane ka jingrakhe ia ka jingdap 70 snem jong ka jingioh Laitluid jong ka Ri India kaba la sdang ha ka 9 tarik mynta u bnai bad kan pynkut ha ka 23 tarik la shai aks ngi ha khyndailad.
Kane ka jingleh burom kaba kyrpang ka long ban ai burom kyrpang ia ki nongialeh laitluid jong ka Ri kiba la aiti ia la ka jong ka jingim na ka bynta ka Ri. Ha ka 20 tarik mynta u bnai kila pynlong ia ka jingleh burom ia u Who Kiangnangbah ha Madiah Kmai Blai,Syntu Ksiar, Jowai.
Ia kane ka jingleh burom la sdang da ka jingpynher ia la lama jong ka Ri bad bud sa ki jingialeh burom da ki sur tynrai na ri lum Jaintia. Ha kaneka sngi la buh ia u syntiew da u Bah Shibun Lyngdoh President jong ka seng BJP Meghalaya Unit ha kaba la don lang ruh ki briew sorkar.
Ka seng kala dep ban pyndon burom ia u nongialeh laitluid jong ka jaidbynriew Garo ha ka 10 tarik mynta u bnai ia u a Togan Nengminza Sangma, ha Chisobibra, Tura. Ha ka 16 tarik pat la pyndon burom ia u Tirot Sing Syiem ha Nongkhlaw West Khasi Hills.
Ha ka jingkren jong u Bah Shibun Lyngdoh, ha katei ka sngi u la kren ia ka phang ha kaba ia dei bad u U,Woh Kiang Nangbah, kiwei ki dkhot jong ka seng ruh kila kren halor ka history jong u tei u nongialeh laitluid jong ka jaid bynriew na ri pnar.
