Shillong, Risaw 02: Mynta ka sngi ka sorkar Meghalaya kala rakhe ia ka sngi kha jong u kpa ki jaidbynriew u MahatamGandhi da kaba buh syntiew ha dur mot jong u ha khmat Secretariat.
Ia ka jingbuh syntiew la lamkhmat da u Principal Secretary ka sorkar jylla u bah Fredrik Roy Kharkongor, ha ka jingdon lang u Commissioner bad Secretary, u Vijay Kumar Mantri; u Director ka Meghalaya Administrative Training Institute (MATI), u Swapnil Tembe.
Nalor kitei ki heh sorkar la donlang ruh u ki nongtrei ka ophis jong ka Meghalaya Secretariat ha kaba baroh kila ia don bynta lang ban burom ia u kpa ki jaidbynriew jogn ka Ri India ha kane ka sngi kha ka jong u.
Kane ka jingleh burom ka dei ka sngi kha bad ha kane ka sngi ka pynkynmaw ia ka jinghikai ka jong u ha kaba ia dei bad ki jingshisha bad ka jingialeh kaba khlem ia umsnam bad ban pynioh ia ka shong suk ka dang iai ai mynsiem haduh mynta bad ki pateng ban dang wan.
