Shillong, Jymmang 12: Ka Myntri jong ka tnad ka koit ka khiah ka Kong Ampareen Lyngdoh mynta ka sngi ka 11 tarik u Jymmang 2024 ka la leit ban plie ia ka Health Checkup bad Awareness program ia ka ba la pynlong da ka ARHI Hospital ia ka ba la ioh ban pynlong ha poh ka skul jong ka St Jerome Higher Secondary School.
Ha kane ka jingplie ia kane ka Health Camp wan la ban ia shim bynta da ka Myntri ka koit kakhiah Dr M Ampareen Lyngdoh kum ka kongsan ha ryngkat ka jingiadon lang u Bah AL Heakk um u symbut kongsan ha ryngkat ka jingiadon lang ki Doctor jong ka ARHI Hospital bad ki nongshong shnong jong ka Nongmensong.
Ha ba ai jingkren ha kane ka sngi na ka liang ka myntri ka la ong ba ka sorkar ka kloi ban ia trei lang bad kino kino ki Hospital shimet na ka bynta ban pynioh ia ka jingsuma ka ba paka sha ki paidbah.
Ka la ongruh ba na ka liang ka sorkar ka sngew khia ha lor ka jingkyrei ka jingpang bampong ha ka Jylla ha kaba na ka liang ka sorkar ka long kaba la kloi ban ia trei lang bad ki hospital Shimet ban lah ban ratdyngkhong ia kane ka jingpang bampong ha ka jylla.
Ka kong Lyngdoh ka la ongruh ba na ka liang ka Sorkar ka la lah ban pynduna ia ka jingiap ki longkmie ha ka por ba Kha Khyllung bad kane baroh ka dei lyngba ka jingiatreilang jong ki paibah bad ki nongtrei ka tnad ka koit kakhiah.
Na ka liang u bah AL Heak u ba dei u dkhot jong kane ka Hospital u la ong ba ka thong jongkane ka Hospital ka long ban ai ka jingshakri sha ki paidbah ka ba pakatam bad ha ka dor ka ba duna ia ki paidbah ka Jylla khamtam ba ka Jylla ka don ia ka jingeh ha ka ba iadei bad ka jingduna ki ja ka ai jingsumar ki ba paka tam ha ka Jylla.
Ha kane ka jingai jing sumar ei jong kane ka Hospital la wan ban ia shimbynta da ki paidbah nongshong shnong jong ka Nongmesong ha ka ba ki la ioh ruh ban phah peit bniah ia ki jingpang jongki bad kumjuh ruh hadien kata ki la ioh ia ki dawai dashin ki ba la sam ei khlem kano kano ka jingsiew da kane ka Hospital.
