Shillong, Lber 29: Ka jingiakop pyni ia ki syntiew da ki shipai kaba la sdang ha ka 25 tarik kala kut mynta ka sngi ha Shillong, ia kane ka jingiakop pyni syntiew la sdang ha u snem 1989 bad mynta kala kylla long ka jingiakop kaba man u snem.
Kane ka jingiakop pyni syntiew ka long ha ki lai bynta, ki syntiew kiba thung ha ha phyllaw iing, kiba thung ha ki khiew syntiew bad ka rukom pynbeit ia ki syntiew, kiba la wan ban ia shim bynta ki long ki ophisar, ki long kmie bad ki khynnah kiba dei na ka kynhun shipai.
Ia kane ka jingiakop la bisahr da ki briew na ka tand ba dei peit ia ka kam thung soh thungpai kum na ka “Shillong Agri-Horticultural Society” ha kaba la lam khmat da u V Singhania bad ka kong S Dkhar.
Ha kane ka jingiakop la sam ia ki khusnam da u Lt Gen RS Panwar, SM, VSM, GOC 101 Area ia kaba la synran lang da ka president jong ka Regional AWWA, ha kine ki sngi la don ruh shibun ki jingialehkai ban pynbyrngia ia ki briew.(SP News)
