Pynher balloon iong ka HYC ha Khyndailat ban pyrshah ba kiew dor ka petrol bad Diesel

Shillong, Risaw 22: Ka seng Hynniewtrep Youth Council mynta ka sngi kala pynlong ia ka jingpyndeng lama iiong ha kylleng ki bynta jong ka Ri Khasi Jaitnia ban pynpaw ia ka jingsngew pyrshah halor ka jingkiew dor palat ka umphniang petrol bad Diesel ha kane ka jylla Meghalaya.

Ha kane ka sngi ki dkhot ka seng kila wah ia ki jingthoh ha ki kynroh bad kila pyndeng lama iong ia ki kali bad kane kala long ha baroh kawei ka Ri Khasi Jaintia, kane ka jingleh ka long ban dawa ban pynhiar dor ia ka umphniang namar kala ktah ia ki paidbah.

U General Secretary ka seng HYC u bah Roykupar Synrem la ong ba kane ka jingiakhih jong ka seng mynta ka sngi ka long ban dawa na ka sorkar jylla ba ka dei ban ia kren bad ka sorkar pdeng ba kan pynhiar ia ka Excise Duty jong ka sorkar pdeng,namar kane ka jingkiew dor dei na ka Excise Duty.

Haba phai sha ka jylla Meghalaya ka VAT kaba ka jylla Meghalaya ka shim ka dei kaba duna eh ban ia nujor bad kiwei ki jylla ha ka Ri India, hynrei kumba ka long mynta ka Petrol kala kiew palat ia ka T.100 tyngka bad ka Diesel mynta ka sngi kala kiew sha ka T.94 tyngka.

Ka seng ka kyntu ia ka sorkar jylla bala da don ka lat kan ia leh ban pynhiar shuh shuh ia ka khajna ban ia rap ia ki paidbah namar kum ka jylla Meghalaya kaba dei ka jylla ba shaniah ia ka kit ka bah sha ki kali kane ka jingkiew dor kan ktah ia ki paidbah.

Ka seng ka dawa na ka sorkar jylla ba ka dei ban ia kren bad ka sorkar pdeng ban pynhiar ia ka Excise Duty khnang ban pynhiar dor ia ka Petrol bad Diesel, namar kum ka jylla Meghalaya kan shah ktah bha na kane ka jingkiewdor ka Umphniang.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet