New Delhi Jymmang 03: ka South Western Command’s Corps ‘Strike One’ mynta ka sngi ka sngi kala pynher ia u nam ding ia u ba la ai kyrteng “BRAHMOS Block III” u ba lah ban thew ia kano kano ka jaka kaba thmu ban sait ha khyndew, ia kane ka jingpyrshang ban siat ia une u nam ding la leh ha Andaman bad Nicobar Islands mynta ka sngi ha ka jingpyrshang kaba ar sien. Ia ka jingpyrshang kaba nyngkong la leh ha ka ar tarik mynta u bnai hi.
Kane ka jingpyshang ban pynher ia u ne u nam ding mynta ka sngi ka long ban pynthikna ba lada pyndon kam ia u kan leit beit sha ka jaka kaba la thmu ban siat. Kane ka jingpyrshang siat ia une u nam ding ka long kaba jop ha kaba la siat na ka kali ia kaba la tip kum ka Mobile Autonomous Launchers (MAL) bad ha kane ka jingsait la ioh ba u la leit ban dei ha ka jaka kaba la mang bad ka iapher na ka sohpdung ka long duna ia ka shimeter.
Ha ka jingpyrshang kiba la long ha ki san sien lynter ia kaba la khot ka Block-III bad mynta la jer kyrteng da u BRAHMOS LACM bad kane ka jingpyrshang siat kala dei thik ia ka sohpdung kumba la mang bad kane ka long ka jingjop kaba khraw ha kaba la lah ban pynher ia une u nam ding da ki shipai ryngkew jong ka Ri India. Ia une u nam ding la shna da ka DRDO jong ka Ri India bad ka NPOM jong ka Ri Russia bad une u naming u lah ban sait na kano kano ka jaka kaba thmu sha kano kano ka bynta ba mut ban thew la ka long ha ryngkew, ha suin ne ha duriaw.
