Shillong, Jymmang 27: U bah Kitborlang Nongrem President jong ka National People’s Youth (NPYF) mynta ka sngi u la pyni ba ka National People,s Party kala dep ioh ia ka jingbit na ka ophis jong ka MUDA ban shna ia ka ophis jong ka party bad kum juh ia ka shithi bym don jingujor na ka ophis jong ka Deputy Commissioner ka East Khasi Hills District haba ia dei bad ka jingshna ia ka ophis.
Haba kren ha ki lat pathai khubor mynta ka sngi ha ophis jong ka party ha Lachumier u bah Nongrem la ong ba ki nongialam jong ka MPYC ki dei ki khynnah kiba khlem da tip ia ka jingshisha kila shu kren khlem da tip, na ka liang jong ka seng ka dawa ba ka MPYC ka dei ban pan map lem kumta kin nym shong kli kti.
U bah Nongrem la ong ba ka party kala ioh ia ka jingbit ban shna ia ka ophis ha ka 22th Nohprah 2020 bad ia ka jingbit na ka ophis jong ka DC ka East Khasi Hills District ba kam don kano kano ka jingujor la ioh haka 27th Kyllalyngkot 2021, kane ka jingkynthoh jong ka ki nongialam ka seng Congress ka long ka bym don nongrim.
Haba ia dei bad ki jingkynnoh bamsap, u bah Nongrem u la ong ba u ladon ha ka seng Congress naduh u snem 2003 bad kum kine ki jingkynnoh ki juh mih ynda la jan ki elekshon, ia kine ki jingkynnoh um sngew phylla ei ei ruh em namar kine ki jingkynnoh ki don beit.
U Nongialam ka NPYF la ong ba lada kiba kynnoh bamsap ki don ia ki sabut ba ia kito ki nongialam ka NPP ba ki don kti ha ki kam bamsap ki dei ban ujor da ka ejahar pyrshah ia kita ki briew bad ai ka ain kan leh ia ka ba don kam namar wat u myntri rangbah ka jylla ruh ym long halor ka ain u dei hapoh ka ain, ka don ka CBI ruh ban tohkit.
