Shillong, Jylliew 08: Mynta ka sngi ka party BJP kala pynlong ia ka jingialang paidbah ha Mahendraganj ban pynsngewthuh paidbah ia ki skhim kiba ka sorkar BJP kala pyntrei kam na ka bynta kiba duk ha kane ka Ri baroh kawei ha kine ki phra snem lynter hapoh ka jingialam jongu myntri rangbah duh jong ka Ri u Narendra Modi.
Ha kane ka sngi da ki spah ngut ki paidbah na katei ka thain kila wan ban ia shim bynta bad sngap ia ka jingpynshai ki nongialam ka BJP na khamtam ia ka jingkren jong u General Secretary ka seng ba dei peit ia ka North East u Ajay Jamwal.
Ha kane ka sngi kumba 500 ngut ki paidbah na katei ka thain Mahendraganj kila pyniasoh bad ka party BJP, ha kane ka sngi la don lang u president ka party jong ka Meghalaya State Unit u bah Ernest Mawrie, u Boston marak, kong Judy Surong bad u mandal president u Anil Hajong.
