Shillong, Kyllalyngkot 31: Ki Shipai BSF kiba dei na ka 123 Bn kila pynioh ia ka street light ha shnong Umniuh Tmar bad hat Thangsngi kiba hap hapoh jong ka East Khasi Hills District, Meghalaya.
Ia kine ki street light la plie da u Rajashekar K N, Commandant jong ka 123 Bn jong ki BSF BSF. Ha ka jingiadon lang u bah Rocket Shabong bad u bah Rostanwell Mawkhlieng rangbah shnong ha ka jingiadon lang ki paidbah nongshong shnong.
Ka jingpynioh ia kine ki street light ka long da kaba pyrkhat ia ka jingdon kam kiba man ka sngi ki briew kiba im ha khappud. Da ka jingai ia kine ki solar light kan pynioh jingmyntoi ia kane ka shnong Umniuh Tmar bad hat Thangsngi. U tei u heh shipai BSF u la ia kren ruh bad ki nongshong shnong ha dien ba la plie paidbah.
Ha ka jingiakren bad ki paidbah na ka liang jong u Commandant u la ong ba lada don kam kano kano kaba ki BSF ki lah ban leh ki paidbah ki paidbah ki dei ban iathuh ia kaei kaba ki lah ban leh na ka liang jong ki BSF. Na ka liang jong ki BSF kin dang iai beteng ban iarap ia ki shnong ha khappud.
Ha ka jingiakren na ka liang jong ki paidbah katei ka shnong Umniuh Tmar ruh kila pynpaw ia ka jingsngewnguh ia ki shipai BSF kiba la kloi ban noh ka kti kamon ka diang jong ki ban ia rap ia ka shnong kaba don ha khappud bad ka Bangladesh.
