Shillong, Nohprah 20: Ka Deputy Commissioner jong ka East Khasi Hills District mynta ka sngi kala pynjari ia ka kyndon 163 BNSS ha kaba la khang pyrshah ia ki trok kiba kit jingkit ban iaid na ka surok Mawtawar-Mawsiatkhnam ban poi sha nongbah Shillong.
Ka District Magistrate kala pynjari ia kane ka long ha dien ba la ioh ia ka jingujor ba kila don ki trok kiba kit khia kila iaid lyngba kane ka surok bad kane kala buh ia ka jingma namar ba kan tyngkhuh ia ki ksainar light bad kane kan wanrah ia ka jingkem ding bad kan wanrah ia ka jingmynsaw.
Ka jinghap jong u skum kba na ki trok ha surok shnong ka wan rah ia ka jingwit ha shnong ha thaw bad kane ka pynjaboh ha ki shnong ki thaw, kumta lada don kiba pyrshah ia kane ka hukum yn pynngat ha ka kyndon 188 jong ka BNSS, kane kan treikam noh mardor.
