Shillong, K.Lyngkot 09: ka Deputy Commissioner jong ka East Khasi Hills District kala pynmih ia ka jingpynbna ban iada ia ka jingsaphriang kane ka jingpang COVID-19 la bthah ba baroh ki dukan bad ki nongdie madan mynta ka sngi dei ban khang ha baroh kawei ka nongbah Shillong.
Wat la ka DC kala dep ban pynbna ban nym shah shong dukan mynta ka sngi, hynrei katto kitten ngut ki briew ha Iewduh bad Motphran kila plie ia ki dukan die madan da kaba pynkhien ia katei ka hukum jong ka DC.
Haba ia dei bad kane ka jingkhang ia ki dukan bad ia ki nongdei madan na ka liang jong ka Hima Mylliem kaba dei peit ia kane ka iew ruh kala pynbna ba ki paidbah kim dei ban plie iew kumba la pynbna da ki bor jong ka District Adminstration jong ka sorkar.
Ha kane ka sngi na ka liang jong ki pulit jong ka Hima Mylliem dang step kila beh ia ki nongshong shnong madan bad kiba bun kila kohnguh ia ka jingkhang ki Pulit ha Hima Myllime, hynrei ki don kiba ialeh pyrshah ia kaba ka Hima kam ban se ban pyntip sha ki bor jong ka District Adminstration.
Na ka liang jong ki pulit rryngkat bad Magistrate kila hukum ia ki nongdie madan ba kin khang noh hynrei kim sngap kila pyneh khlem da kohnguh ia ka jingbtah jong ki Pulit bad ki Magistrate.
