Shillong, Rymphang 25: Ka kynhun Wrestling Association of Meghalaya ka la sdang ka jingpynkhreh ban jied (selections) ki nongiakilan met ka Wrestling Association of Meghalaya na ka bynta ka 3rd North East Olympic Games 2024.
Kane ka jingpynkhreh ka la long hapoh ka gym jong ka Happy Red Rooster gym ha ka 23 tarik February 2024 ha kaba ki nongjop medal ha ka 5th Meghalaya Games ki la ia khun ban pyni ia la ka jingtbit ha ki tei ki weight category kaba ki nongialam jong ka WAM kin hap jied na ka bynta ka Free Style Wrestling ki shynrang.
Kane kan long ha ki kyrdan kaka 57kg, 61kg, 65kg, 70kg, 74kg, 79kg, bad ki kynthei ha ka 50kg, 53kg, 55kg, 57kg, 59kg hadien kane ka jingjied ki jingialehkai kin sa sdang hashem sa ka jingpynkhreh jinghikai (coaching) ha shwa ban leit ia khun sha ka 3rd National Games 2025 ha Nagaland. Ha katei ka jingiakhun la wan lang ki samla na Ri lum Garo ban ia khun ha kitei ki weight category.
Shuh shuh ki bor pyniaid MSOA ki la aiti ha ka Wrestling Association of Meghalaya ban phah ia ki nongialehkai na ka bynta ka Belt Wrestling namar ha ka jingialang la pynsngew pynpaw ki nongialam ka Wrestling Association ka Meghalaya.
La ong ba ki don ki dkhot nongialehkai jong ki kiba lah ban ia khun ia katei ka Belt Wrestling bad ia kane kin sa nang pynmih ki jingpynbna. Ki weight category ha ka belt Wrestling ki long na ka bynta ki shynrang 60kg, 70kg, 80kg, 90kg, 100kg, 100kg shaneng bad ki kynthei ka long 55kg, 60kg, 65kg.
Ki nongpyniaid ki dang ap ruh ban ioh jingbthah ha kaba iadei bad ki jngpynbeit baroh khamtam ki jingkyrshan ha kaba ia dei bad ka mang tyngka na ka Meghalaya State Olympic Association bad khamtam na ka tnad Department of Sports and Youth Affairs Government of Meghalaya halor ka jingleit ia shimbynta ki nongialehkai sha ka 3rd North East Olympic Games 2024 ha Nagaland.
