SHILLONG,Lber 29: Mynta ka sngi ka seng ki samla pule ka Khasi Student’s Union (KSU) kum shi bynta ban kyrsiew thiah ne ka National awakening day sa shisien pat kan pynlong ia kane ka jingrakhe kyrsiew ia ka jaitbynrew da kaba sdang da kaba ia iaid paidbah ka ban sdang naduh Mawlai Polytechnic haduh Community Hall Jaiaw.
Haba ia kren bad ki lad pathai khubor ha ophis trei kam jong ka KSU na ka liang jong u samla Augustar u la iathuh ba ha kane ka jingrakhe ia ka sngi kyrsiew thiah ha ka 4 tarik jong u bnai Iaiong yn don shibun ki prokram ha kaba iadei bad katei ka sngi.
Ka jingpynlong ia kane ka jingrakhe ka long kum shi bynta ban kyrsiew thiah ia ki para ri namar ba bun kila klet bad don ruh kim bym tip ia ka 4 tarik u iaiong ha kaba u syiem ba khraw jong ka jaitbynriew u Tirot Sing Syiem u la ieng rangbah ban ialeh pyrshah ia ka sorkar phareng.
Na ka liang jong une u nongialam jong ka KSU u la kyntu ia baroh ba kynthup naduh ki heprit ki khun samla bad kumjuh ruh ia ki longkmie bad ia ki riew rangbah bad kum juh ruh ia ki khraw pyrkhat lem bad ia kiwei kiwei ki sengbhalang ba kin ia wan khnang khnang sha kane ka jingrakhe ban kyrsiew thiah ia ka jaitbynriew.
“Katba dang mih ki sngi ka ri ka don ha ka jingma namar ka jing ioh rung laitlan jong ki mynder sha kane ka ri ka jong ngi bad lyngba kane ka jingrakhe ban kyrsiew thiah ia ka jaitbynriew ka long ba ngi dei ban kyndit bynriew noh ha baroh ki liang la ha khaii pateng ne ka shongkha shongman lem bad kiwei kiwei kiba wanrah jingma ia ka jaitbynriew” la ong u Samla Augustar.
Na ka liang jong ka seng ka ju rakhe ia kane man la u snem bad ngin pyrshang ban pynlong ha kylleng kylleng ka thain ne jaka bad ngi khmih lynti ba ki paidbah kin wan ban ia shim bynta ha katei ka sngi kyrsiew thiah ia ka jaitbynriew.
Ha katei ka sngi kan ruh ka duwai ka phirat ka jingriam tynrai na man laki cirle bad kan don ruh ka jingrwai ieit ri bad ka shad tynrai ba la khot kyrpang ka seng lem bad kiwei kiwei de.
Ha katei ka sngi ki yn rakhe ruh ia kane ka sngi kyrsiew thiah ha manla ki district bad na ka liang jong ka KSU South West Khasi Hills kan pynlong ia ka jingialang paidbah ha ka shnong Nongjri.(SP News)
