Shillong, Nailur 30: Mynta ka sngi ka YesEarth youth corps ryngkat ka Rotary Club Shillong kila pynlong ia ka jingpynkhuid ia ka wah Umsherpi da ka jingiashim bynta lang ki dkhot jong ka National Cadet Corps, Rotary District 3240 bad ka Shillong Municipal Board.
Kane ka jingpynkhuid ka long ban wanrah biang ia ka jingkhuid ha katei ka wah Umsherpi kaba dei kawei na ki wah bad wat ka sorkar kala ithuh kum kawah kaba jaboh tam ha kane ka jylla Meghalaya.
Ia kane ka jingpynkhuid ia kane ka wah la plie da ka Deputy Commissioner ka East Khasi Hills District ka long R M Kurbah, kiba la wan ban ia shim bynta ki dkhot ka NCC , ki nongtrei ka SMB, ki kdhot jong ka Rotary Club Shillong ki don kumba 100 ngut kiba la ia mih ban ia shim bynta.
Ha ka jingkren lyngkot na ka liang jong ka DC kala pynpaw ia ka jingsngew kmen ban iohi ba don ki briew kiba kut jingmut ban pynneh pynsah ia ka mariang bad kane kan iarap ban pynioh ia ka mariang kaba khuid.
Kiwei kiba la kren ha kane ka sngi ki long u Abhijit Sharma, YesEarth Youth Corps, Mission Director, u Hemen Kalita, Vice President bad u Jasbir Singh, Secretary, Rotary Club Shillong Heritage.
