Shillong, Lber 03: Ha ka jingpynlait khubor jong u political secretary ka seng GNLA u Bikdot Marak mynta ka sngi u la ong ba ka seng ka don ia la ka jong ka nongrim pyrkhat bad halor kane ka nongrim ba ki dawa ba ki dei ban ioh ia la ka jong ka Garoland.
Ka jingdawa jong ka seng GNLA ka long ban ioh ia la ka jong ka jylla na ka bynta ki jaid bynriew Garo ia kaba ki kam ba ka dei ban long ka Garoland state. U Marak u la ong ba kane ka dei ka jingkwah jong ki Garo bad u la kynnoh ba ka jingialang paidbah kaba long pyrshah ia ka Garoland ka dei kaba la bei da ka sorkar.
U tei u nongialam jong ka seng GNLA, u la ong ba ka jingkwah ka jong ki ban ia kren ia suk kumba kila tyrwa ka don ha ka umdum mynta, u la ong ba u myntri rangbah ka jylla u sngew ba u lah ban leh jadu, I mat ka don ka jingpyrkhat ba ia ka seng GNLA lah ban thom da ka bor ban pynhiar ia ka.
Une u nongialam jong ka seng GNLA u buh ruh ka jingkylli ia ka seng ANVC(B) ia ka jingdon jong u ta u political secretary jong ka ANVC(B) u Ajaju Marak, ha dien ba ka seng kala kyntait halor ka jingkynnoh ba ka seng ka don jingiadei u mytnri rangbah ka jylla.
La ong ba ka jingthaw ia ka ASAK ka long ban ia leh pyrshah ia ka seng GNLA, kine ki briew kim don nongrim ei ei ruh em, ka jingkynnoh pyrshah ia u nongialam ka seng GNLA u Sohan D Shira ka dei ka tang buit ban mih ha ki lad pathai khubor.
U Marak u la ong ba ka seng GNLA ka ieng na ka bynta jong ki Garo bad lada ka sorkar kam kwah ban ia kren ia suk bad ka seng GNLA ki long kiba la kreh ban ia khun pyrshah lada ka sorkar jong u Dr Mukul Sangma ka niew poh ia ki wat la ki kah ban ban sha ka jingiakren ia suk, la ong u Marak ha ka jingpynlait khubor ka jong u mynta ka sngi.(SP News)
