Shillong, Jymmang 7: Mynta ka sngi ka seng lyngba ka JSU Syndai unit ha rygkat ki dkhot ka JSU Shillong Cricle hapoh ka jingialam u President u samla Pynshailang Suliang haka jibgdonlang u General Secretary ka Syndai Unit u samla Heiplanmiki Tariang bad u nongialam ka JSU Shillong circle u samla Banker Lamurong ryngkat bad ka jingdon lang ki dkhot jong ka seng ki lah leit bad pynkup burom kyrpang ia i samla Evangel Pohplet.
Ia kane ka jingpynkup burom la pynlong ha ka ing jong ka ha Shillong bad i samla Evangel Pohphlet i dei iba lah leit mih khmat ia ka jylla Meghalaya ha ka 3rd National K-1 Championship ka ba long ha ka jylla Rajasthan bad hakane ka lympung kaba he duh jong ka ri India bad i samla Evangel i lah ioh ban rah ia ka nam lahduh.
Na ka liang u President ka Syndai Unit u lah ban jur iaka sorkar jylla ba kadei ban ithuh iaki rang bad ki thei lehkai ka jylla kiba mih khmat iaka jylla ha ki lympung baheh bad ka sorkar kadei ban ai jingiarap iaki ba kin lah ban nang pyntbit shuh shuh haki kam ialehkai ka jong ki.
U lah ong ruh ka sorkar jylla haduh mynta ka shu shna kai ia ka State Youth Policy kaba lah policy treikam kaba lah ban wanrah jingmyntoi ia ki khun samla kiba don sap ka jylla hynrei kaba lyngoh pat ka sorkar jylla haduh mynta ka shu leh mynthi bad kam pat pyntreikam iakane ka policy kaba lah dep ban pass ha ka cabinet naduh u snem ba lah dep u 2021.
Kumta ka seng ka dawa mardor na ka sorkar jylla hapoh ka jingialam u Myntri Rangbah u Conrad Sangma ba u dei ban shim khia ia bad pyntrei kam mardor ka State Youth Policy 2021 khnang ba ki khun samla kiba wanrah nam bad burom iaka jylla kin ioh noh daka scolarship kum ba lah mang kyrpang na bynta jong ki.
