Pynkup burom ka KSU ia ka Prof Badaplin halor ka jingioh jong ka ia ka nam Padma Shree

Shillong, K.Lyngkot  28: Ka Khasi Student Union mynta ka sngi kala leit sha Iing sah ka  Prof Badaplin War ban pynkup burom halor ka jingioh ia ka khusnam Padma Shree na ka Sorkar India.

Ka KSU Central Executive Council lyngba ka Education Cell mynta ka sngi  ka la leit ban ai khublei kyrpang bad ai ia ki jingpynkup burom ia ka kong  prof Badaplin War hadien ba kala ioh iaka khusnam Padma Shree na ka sorkar pdeng ba la pynbna ha ka 26.01.2022.

U samla Raymond Kharjana Chairman ka Eduction Cell KSU sengkmie ha ba ai jingkren u la ong ba ka seng bad ka Jaidbynriew hi baroh kawei ka sngew sarong iakane ka jingioh khusnam Jong ka Prof B.War namar ka jingwad  bniah bad tih jylliew bad pyn phriang jong ka iaka ktien khasi ha ki bynta bapher bapher .

Kane ka long kawei na ki sien jam ba ngin poi sha ka thong ban ioh ia ka jingangnud ban pynrung iaka ktien khasi haka khyrnit ba 8 Jong ka riti shynshar Jong ka sorkar India,la bynrap une u nongialam ka KSU.

Ka kong  Prof Badaplin kala pynpaw iaka jingsngew nguh kaba khraw iaka KSU kaba la wan shakhmat ban kitbok bad I ong ruh ba kane ka sngi kan nang ai mynsiem shuh shuh ia ka  ban nang trei borbah shuh shuh ban pynsaphriang iaka ktien khasi ha ki bun ki liang.

Ka kong Prof Badaplin ka kyntu iaki nongialam Jong ka KSU ban ia ai lang ka jingkyrshan ia ka bad ia ka Khasi Author Society ban lah ban pynurlong ia ka jingangnud jong ka jaitbynriew kaba ngi la angnud slem slem.

Ka  Prof  War I la kyrkhu ruh ia ka KSU ba kan nang lah ban shakri kham bha ia ka jaitbynriew hapdeng ki dawbah ba  bun bad ban long ki khlur ba tyngshaiñ Jong ka Ri bad ka jaitbynriew hi baroh kawei.

Nalor u Samla Raymond kharjana la iadon ruh u Samla Reuben Najiar Assistant Education Secretary KSU sengkmie, Samka Pynshai Dkhar President KSU NEHU Unit  ,ki dkhot na Upper Shillong circle bad kiwei kiwei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet