Shillong, Nohprah 23: Ha ka janmiet jong ka 21 Tarik Nohprah ka KSU CEC ka la pynkup burom ia ki rang bad ki thei ia kehkai Muaythai jong ka jylla ki ba la wan ban ia shim bynta ha ka lympung ialehkai ba la pyniaid da ka UMAI ha ka jylla Manipur kaba la long naduh ka 16 tarik haduh 19 tarik mynta u bnai.
Kine ki Samla kiba la wanrah burom ia ka Jaitbynriew kiba la khur ruh ia ka Takma Ksiar ki kynthup ia u Pynehbor Mylliemngap ha ka Weight 48 kg above 23/40 yrs Elite, Balaseibok kharbuli ha ka un-23 yrs 48 kg bad u Skhemborlang Marweiñ bad kiwei kiwei ruh dei kiba la khur ia ki Takma bapher bapher.
Ha kane ka lympung pynkup burom na ka liang ka KSU la iadon lang da U Samla Dakishan Z. Malngiang bad U Samla Badonkupar Nongbri ki ba long ki Assistant organising secretary Jong ka KSU Seng Kmie ha ryngkat ka jing iadon lang bad Bah Jesperlee Pakyntein u ba long u dkhot barim Jong ka Seng ryngkat lang ruh bad ki dkhot na ki Circle bad unit bapher bapher.
Haba ai jing kren Lyngkot U samla Dakishan Z malngiang bad u Samla Badonkupar Nongbri,ki la ong ba ka seng hi baroh kawei Kan iai don ryngkat lang ha kano kano kapor bad ka kynhun Muay Thai Association of Meghalaya.
Ki la pynpaw ruh ka jing sngew sarong ia ki rang bad ki thei ia kura kiba la wanrah ia ka nam ka burom ia ka jylla bad khamtameh ia ka Ri bad ka Jaidbynriew Khasi. Ki la pynpaw ruh ki kyntien kyntu kynpham bad kitbok ia baroh ka kynhun ban nangiai trei shitom kham bha shuh shuh nangne shakhmat ha kiwei pat ki bynta jong ka jing iakop.
Na ka Liang ka Muay Thai Association of Meghalaya la lamkhmat da U president u bah Angelus Sun u ba dei ruh ha Kajuh kapor u International referee,la iadon bynta lang ruh da u bah Aiborlang Syngkli bad I kong Elizabeth Marten kiba dei ki dkhot Jong ka kynhun bad ba long ruh ki referee Jong ka Muay Thai Association of Meghalaya.
U bah Angelus Sun u la pynpaw shibun ki jingeh kiba iakynduh kum u nong ialam Jong kane ka kynhun bad u la bynrap ruh da ka ba ong ba ka jing iatreilang bad ka jing don ryngkat lang da ka KSU Kan nang ai mynsiem ia ki khynnah bad ki samla jong ka kynhun.
