Shillong, Jymmang 02: Mynta ka sngi ka Rotary Club jong ka Orchid City kala rakhe ia ka sngi ban burom ia kito kiba la lah ban pynbha ha ki kam ki kam la jong ia kaba la pynlong ha Hotel Heiga.
Kum ka jingrakhe ia kane ka sngi ka kynhun kala pynkup burom ia ki saw ngut ki briew kiba la trei bha ha ka jingtrei jong ki h ki kam la jong, ia ka kong Camelia Nongtraw la ithuh ia ka ha ka jingtrei ban pynbha briew, ia ka kong Naphisamanbha Mawroh la iathuh ia ka ha ka jinglah ban shet jingbam.
Ka jingpynkup burom ia u bah Alan Wankhar ka dei halor ka jingleh jong u ban pynwndur itynnad ia ka rukom suh jain, ia u bah Generous Warlarpih la pynkup burom halor ka jingleh jong u ban wanrah ia ka rukom otdoh katkum ka juk kaba mynta.
Kane ka jingai burom da ka Rotary Club jong ka Orchid City ka long kum ka jingithuh ia ka jinglah jong ki ha ka rukom trei kam da kaba ki pynleit jingmut ha ka rukom kaba janai, ha kane ka sngi u bah Vivek Syiem, IPS u la long u kongsan ha ka jingiadon lang u president Surjya Bannerjee bad Secretary Dr. Reema Diengdoh bad kiwei ki nongkit kam ka seng.
