Shillong, Nohprah 31: Mynta ka sngi ka long ka burom ia ka West Assam Milk Producers’ Co-operative Union Ltd. (WAMUL), kaba dei ka kynhun bala trei bor bah ha dien jong ka Purabi Dairy, haduh ba kan shah pynkup burom ha u myntri ka sorkar pdeng ba dei peit ia ka tnad Iatreilang u Amit Shah haka “National Cooperative Dairy Federation of India (NCDFI) Limited e-Market Awards 2023”.
Ia kane ka jingshah pynkup burom la pdiang sngewbha da u Dr Meenesh Shah, Chairman jong ka WAMUL’s ha ka kyrteng jong ka kommittee bad u SB Bose, Managing Director jng ka WAMUL, ha ka jingialang kaba la long ha Gandhinagar, Gujarat ha ka sngi Saitjain ka 30/12/2023.
Ia kane ka jingpynkup burom kala jia ruh ha ka sngi ba la seng ia ka ophis ba ha khlieh duh jong ka NCDFI Limited’s, ha kane ka sngi la don lang u myntri rangbah ka Gujarat u Bhupendra Patel, Lamphang ka iing dorbar thawain ak jylla Gujarat u Shankar Choudhary, IFFCO shnongknor u Dilip Sanghani, bad u NCDFI shongknor Dr Mangal Rai.
Ha ka jingkren jong u myntri ba dei peit ia ka tnad iatreilang u Amit Shah u la ong ba u ai ka jingiaroh ia baroh ki kynhun kiba ia treilang kiba la trei shitom ban poi sha ka thong kaba ki thmu bad ha kane ka jingialang u la kyntu ia ki kynhun ba ia treilang ha kaba ia dei bad ka kam khaii ia ka Dud da ka jingiatreialng bad ki nognrep sha ki nongkyndong.
La kyntu ia baroh ki kynhun ia treilang kiba pynmih ia ka Dud ba kin pynlong 100% ba ia ka pisa dei ban pyniaid lyngba ki Bank kumba leh ka WAMUL namar kane kala iarap haduh 30000 ngut ki ri masi ban pynmih Dud na ki 700 tylli ki kynhun ia treilang haki 9 tylli ki District ka jylla Assam. Ha kaba pynmih Dud ka Ri India ha ka pyrthei ka long tang 24% bad hapoh ka jingialam u myntri rangbah duh ka Ri India kala kiew sha ka 51% mynta.
Ha ka jingkren u SB Bose Managing Director ka WAMUL u la ong ba kane ka dei ka burom ia ki nongri masi ka jylla Assam kiba pynmih Dud ba kala shah pynkup burom da ka NCDFI e-market Award 2022-23 na u myntri ka ba dei peit ia ki ia treilang u Amit Shah na ka bynta ki kam ban kyntiew ia ki kam pynmih Dud hapoh ak jylla Assam bad kane ka burom ka long ia baroh ka kynhun jong ka Purabi Dairy.
