Pynkylla ka tnad khaii pateng ia ki kyndon SEZ ban plie lad shuh ia ka jingtrei na iing

Shillong, Nohprah 09: Ka tnat khaii pateng ka sorkar pdeng ka la pynkylla shuh suhia ki kyndon SEZ ban plie lad ia ka jingtrei na iing ha baroh ki jaka trei SEZ.

Ka tnat ka la pynkylla ia ki kyndon Special Economic Zones (SEZ) ban wanrah ia ka kyndon 43A ba thymmai lyngba ka jingpynbna ba la pyllait ha ka 14.07.2022 ban plie lad ia ka jingtrei na iing ha ka bynta ki jaka trei SEZ.

Shuh shuh, ka tnat ka la pyllait ruh ia ka Standard operating Procedure (SOP) lyngba ka jingbthah ha ka 12.08.2022 ban plie lad ia ka jingpyntreikam ia ki jingpynkylla ia ki kyndon ha baroh ki SEZ.

Hadien ka jingpynbna ia ka Rule 43A bad ka jingai ia ka jingbthah ha ka 12.08.2022, ka tnat Commerce ka la ioh jingkyrpad na ka NASSCOM bad kiwei kiwei ki jaka trei ban pyniar shuh shuh ia ki lad trei na iing.

La peit ia kane ka jingkyrpad da ka tnat Commerce ha ka jingiamir jingmut lang bad kito kiba don bynta ha kane ka kam bad kumta ia ka kyndon, ka kyndon 43A la wanrah bujli da ka kyndon kaba thymmai lyngba ka jingai jingtip no. GSR 868(E) ha ka 08.12.2022.

Ki mat ba kongsan jong kane ka jingpynbna ki long, Ia ka jinglah ban trei na iing la pyniar hadien ba la iamir jingmut bad kito kiba don bynta ha kine ki kam. Ia ka rukom treikam kaba mynshuwa kaba don nongrim ha ka jingioh jingbit la pynkylla sha ka rukom trei kaba don nongrim ha ka jingai jingtip.

Baroh 100% ki nongtrei ha ki jaka trei SEZ ki lah ban trei na la iing. Ia ka jingtrei na iing la shah haduh ka 31.12.2023. Ia ki jaka trei kiba la pyndonkam lypa ia ka jingtrei na iing hapoh ka rukom treikam ba mynshuwa, lah ban phah ka jingpyntip da ka email haduh ka 31.01.2023. Ki jaka trei kiba kwah ban trei na iing nangneshakhmat ki lah ban phah jingpyntip lyngba ka email ha lane shuwa ka jingsdang ia ka jingtrei na iing.

Ka rukom trei kaba bun bynta ka la long kaba saphriang mynta, khamtam ha ki kam IT/ITES namar ki jingpynthut kiba la wan lyngba ka khlam. Ki nongmihkhmat na ki kam IT/ITES ki la kyntu ia ka tnat Commerce ba kin shah ia ki jaka trei ha ki Special Economic Zone (SEZ) ba kin sdang ban treikam na iing bad na ki jaka trei bad ban plie lad ia ki ba kin trei na la iing.

La shim ia kane ka raihadien ba la peit ia ki jingdonkam ha kine ki kam bad ruh da kaba peit ia ki lad bad ki jingmyntoi ha ka ioh ka kot jong ki nongbahTier-2 bad Tier-3 kiba lah ban wan lyngba kane ka rukom treikam.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet