Shillong, Rymphang 11: Mynta ka sngi ki shipai BSF kiba dei jong ka Muktapur West Jaintia Hills District kila bat ia u ophisar jong ka tnad ri mrad ka sorkar Meghalaya katba u dang mut ban leit khwai sha Lakroh kila bat da ka jingthmu ban kem ia u tei u rangbah.
Katkum ka jingkren kren u tei u rangbah bala pynitthuh ia lada ba u dei u ophsiar jong ka tnad ri mrad ba don ha thain Muktapur, la ong ba ki BSF ki ithuh bha ia u mar ki juh ia treilang na ka por sha ka por ha ba don ki kam.
Katba u dang iaid lynti ki BSF kila pyrshang ban tohkit ia u ha kata ka rukom la kumba u dei u khar Bangladesh, ha kata ka por u la kylli ia ki shipai BSF balei kim kem ia ki khar Bangla kiba juh wan man ka por sha India bad ia ki masi kiba don ha khappud.
Ha kane ka por la ong ba u la dei ia ka mobile ban ringdur ia ki masi, ha dien ba kila ioh ia kane kila knieh jubor ia ka mobile bad kila ong ban tan jubor ia u sha Siro Point, ha kane ka por u la pyrta bad kila wan ar ngut ki kynthei kiba khwai ban iarap ia u.
La iathuh ba kane ka por kila pyrshang ban pynloit lyngkhuid ia u ha katei ka por , kila ong ban pan map bad kila ong ban ktah na kjat ia kaba ym treh, ki don ar ngut ki BSF ha kane ka bor u wei u kyrteng u Rajendar Kumar bad ia u wei ym kynmaw.
Ka jignthmu jong ki BSF ka long ban patan ia ki sha khappud bad kila iohi ia kane bad kila tur ban pynlait ia u tei u rangbah na kti ki BSF, kane ka jingleh kala jia ha ka por mynsingi.
