Shillong, Jymmang 26: Ka jingjur jong u slap hapoh jong ka West Jiantia Hills District kala pynshlei lut ia ki wah mynta ka sngi ha kaba ki 10 ngut ki briew kiba sah rep ha Sahbesain ki khlem ioh mih namar la dap da ka um sawdong ka jaka sah rep jong ki.
U Deputy Commissioner jong ka West Jiantia Hills District u bah Garod LNS Dykes u la iathuh ba mar ia ioh ia kane ka jingtip ba don kiba sah kut la phah ia ki pulit jong ka 3rd MLP Battalion ban pynlait ia kine ki briew kiba la sah kut ha katei ka jaka rep.
Na ka liang jong ki pulit kila shna ia ki bull da ki siej bad leit sha ka jaka ba sahkut kine ki 10 ngut ki briew bad da kaba pyndon kam ia ki bull kila ioh ban pynlait ia kine ki briew baroh shiphew ngut la iathuh u DC ka West Jiantia Hills District.
U Deputy Commissioner ka West Jiantia Hills District u la iathuh ba ha kane ka jingshah lynshop ha ka mariang mynta ka sngi haduh por jan miet mynta ka sngi ba kam shym la don kano kano ka jingmynsaw ia ki briew.
La iathuh ba kila don bun ki jaka ba twa khyndew bad kala don ka jingpynjulor ia ki iing ki sem hynrei haduh mynta ka jan miet kam shym don kano kano ka jingpyntip ba kan don ka jingmynsaw ia ki briew.
