Shillong, Iaiong 09: Ka jylla Meghalaya kaba hap ha ka bynta kaba nyngkong ha ka jingjied ia ki MP sha Lok Sabha kan sa jeid ia ki nongmih khmat na ka 1-Shillong (ST) bad ka 2-Tura (ST) Parliamentary Konstitwensi ha ka 19/Iaiong/2024.
Ka Regional Democratic Alliance (RDA) kaba kyntup ia ki ar tylli ki seng riewlum, ka United Democratic Party (UDP) bad ka HSPDP kiba la ia treilang ban pynieng ia u Bah Robert June Kharjahrin kum u kyrtong ha ka symbol jong ka UDP haka Bom.
Mynta ka sngi u President jong ka UDP u bah Metbah Lyngdoh, ha ka jingdon lang u bah Paul Lyngdoh, bah Kyrmen Shylla ki myntri sorkar bad ki nongialam ka party HSPDP kila ia don lang ha kane ka jingpynlait paidbah ia ka kular elekshon MP sha Lok Sabha 2024.
Ki mat kiba la buh ha kane ka kular elekshon MP ka long ban dang pynkhlain shuh shuh iaki District Council, ka jingpynkup bor ia ki samla, Ha ka ioh kam iohjam, ka pule puthi, ban kyntiew ia ki nongrep, ban iada na ka jingrung kyrthep ki mynder.
Ban kyntiew ia ka ktien khasi bad Garo, ha ba ia dei bad u pud u sam, ka shong suk shong sain, ban kyntiew iaki riewlum kiba dei ki trai ri, ban kyntiew iaki niam tynrai, ban iada na ka jignshah thombor ki rit paid, bad bun kiwei kiwei ki mat ia kaba kum ka RDA kan sam paidbah ia kane ka kular elelshon sha ki paidbah.
