Shillong, Rymphang 25: U Myntri Rangbah duh jong ka Ri India u Narendra Modi mynta ka sngi u la pynlait paidbah ia ki ar tylli ki kali ban test jingbam na ka bynta ka jylla Meghalaya da kaba pyni lyngba ki telibision.
Ha jylla Meghalaya ka myntri ka tnad ka koit ka khiah ka Dr.Mazel Ampareen Lyngdoh, ka jingdon lang DC jong ka East Khasi Hills District bad u Dr. Joram Beda ba dei commissioner Food Safety jong ka jylla Meghalaya kala khaweh lama ban pynlait ia ki kali ha phyllaw jong ka State Central Library.
Da ka jingdon ia kine ki kali kaba la pynlait paidbah mynta ka sngi ka long ban test ia ki jingbam kiba la shna bad die sha ki paidbah kane ka long ban pynthikna ba ki jingbam kiba dei sha ki paidbah kin long kiba bha bad kiba bit ba biang ban bam ki paidbah.
