Shillong, Iaiong 03: Ka jingioh ia ki jingpang lane ka jingdon jong ka jingduna ha ki dkhotmet kalong kaei kaei ka ba pynduh mynsie ia ki kmie ki kpa nar ka jingbym don ki lat ki lynti ki ba lah ban iarap ia ki bad bunsien ka lah ruh ban long na ka jingbyndon kino kino ki kynhun ki ban mih shakhmat ha ka ban pynshai ne ban pyntip ba don ki lad ki lynti ki ba lah baniarap ha ka ba iadei bad kine.
Ha kane ka kynti ba mynta la sakhie ba ki babun ki Doctor ki ba don ha ki hospital ki ba ha kylleng ka jylla ba kin mih sha khmat ban pyntip bad ban pynshai sha ki paidbah da ka pynlong ia ki program ban pynsngew paidbah nalor ban ai jinghikai ia ki kiba kumno kin lah ban ioh ia ki lad ai jingiarap ha ba ki ia kynduh ia ki jingeh ha ba iadei bad ki jingpang jingshitom.
Ha ba iadei bad kane ka Indian Academy of Pediatric Meghalaya branch haryngkat ka jingiatrei lang bad ka District Early Intervention center bad ka Ganeshdas Haspital mynta ka sngi ka 3 tarik u Iaiong 2024 ka la pynlong ia ka program pynsngew thuh paidbah halor ka jingdon ki lad ai jingsumar ha ka ba iadei bad ka jing pang ba thlun ban kren lane ka jingslem ha ka ban heh ban san ha ka bor jabieng bad ka met ki khynlung ka ba pynlong ha out Patience block jong ka Ganeshdas hospital.
Hakane ka program la wan ban ia shim bynta da ka pediatric ka Indiang Academy of Pediatric Dr H Giri, ka Pediatrician jong ka Ganeshdas hospiltal Dr D Pde, ka Dr S Nongtrai ka ba dei ka pediatrician jong ka DEIC, Dr EL Kharumnuid district Nodal Officer RBSK, Dr B Malngiang Pediatrician Ganesh das MCH hospital ki kmie ki kpa bad ki khynlung ki ba don ia kane ka jingpang.
Ha ba ioh ban ia kren bad ka Dr H Giri ka la ong ba kane ka dei ka sien ba nyngkong ba kin ioh ban pynlong ia kane ka program ha ka ban ai jingpynshai sha ki kie ki kpa ha ka ba iadei bad kane ka jingpang down syndrome.
Ka la ong ruh ba ka jingthu jong kane ka program ka long ban ioh ka jingiatrei lang bad ki paidbah ha ka ban ai kajingpynshai sha ki paidbah khnang ba ki khynlung ki ba ioh shah ktah ha kane ka jingpang kin ioh ia ka jingim kum bai a im lang kiwei pat ki para khynnah.
Ka la ong ruh ba ki khynlung ki ba don ia kane ka jingpang down syndrome kim dei ba kin shah peit I bein hynrei ki dei ban ioh kajuh ka jingim kum ba long lem kiwei pat ki para khynnah kane ka sien jam ba ki shim ruh ka long ban ai ka jingpynshai sha ki kmie ki kpa.
Ka Dr Giri ka la ong ruh ba ki kmie ki kpa ki dei ban wan ban ai ka jingiatrei lang bad ki Doctor khnang ba ki khynnlung kin lah ban long kum ba long kiwei pat ki khynlung. Ka Dr ka la kyntu ruh ia ki kmie ki kpa ba kidei ban ai ka jingiatrei lang bad ka Indian Academy of Pediatric khnang ba kin lah ban ai ka jingiarap ia ki khynnlung jong ki.
