Shillong, Risaw 14: Kum shi bynta kane ka Special Campaign 3.0, ka National Sample Survey Office, Field Operations Division, Regional office Shillong ka la pynlong ia ka jingpynkhuid ha ka thain Nanpolok (Ward’s Lake).
Ha kane ka prokram la iadonlang ki ophisar bad ki nongtrei jong ka ophis NSSO (FOD) RO Shillong. Baroh ki nongtrei ki la iashim bynta shitrhem ha kane ka jingpynkhuid da ka thong ban pynlong ia ki sawdongsawkun jong ka ophis bad ki jaka ha nongbah Shillong kiba khuid.
Ka Tnat Statistics and Programme Implementation ka la pynlong ia ka Special Campaign 3.0. Ki bynta ba kongsan ba kane ka Campaign ka phaikhmat kilong ka jingpynbeit ia ki jingujor jong ki paidbah.
Ka jingshim jingmut na ki dkhot jong ka Parliament, ki jingkular na ka Parliament, ka jingpynkhuid ha ki jaka trei bad ki phyllaw, ka jingbret ia ki mar ba la jot bad ka jingpynbiang ia ki file.
La sdang ia ka Campaign kum ka bynta jong ka jingpynkhreh naduh ka 15 haduh 30 tarik Nailur 2023 ban ithuh ia ki thong ba dei ban shim na ka bynta ka jingpynkhuid ha ka bynta jong ka jingpyntreikam ba la sdang naduh ka 2 tarik Risaw 2023 haduh ka 31 tarik Risaw 2023.
Ha kane ka Campaign, ka NSSO (FOD) Regional office Shillong, ka la peit bha ban pynbiang ia ki jaka treikam ha ki ophis ryngkat ka jingpynitynnad ia ki ophis bad ka jingpynkhuid.
