Shillong, Jylliew 16: Ka Press Information Bureau, Shillong mynta ka sngi ka la pynlong ia ka Vartalap – Media Workshop bad ka exhibition halor ki 9 snem jong ka Seva, Sushasan bad GaribKalyan kum ka dak jong ka jingdapkhyndai snem ka Sorkar ba ialam da u Myntri Rangbah Duh, u Narendra Modi ha nongbahShillong.
U Lat ka jylla Meghalaya, u PhaguChauhan u la leit iashim bynta ha kane ka Vartalap kum u kongsan “Ki lai tylli ki kyntien—Seva, Sushasan bad GaribKalyan ki batai shaphang ka jingiaid lynti ha kine ki khyndai snem jong ka Sorkar u Narendra Modi,” la ong u Lat ha ka jingai jingkren jong u.
U la ong ba ka thain shateilammihngi ka la ioh mad ia ka roi ka par kaba sted bha ha ki jingdon jingem bad ki lad pyniasoh. Ha ka jingkren shaphang ki jingpyrshang ka Sorkar ban plié ia ki lad kiba don ha kane ka thain, u Chauhan u la kdew sha ka roi ka par ha Meghalaya ha kine ki khyndai snem.
“Ka Meghalaya ka la jam shaphrang ha kine ki khyndai snem,” u la ong katba u la ai jingiaroh ruh ia ka Sorkar Meghalaya kaba la pyntyllunshakhmat ia ki jingthmu jong u Myntri Rangbah na ka bynta ka ri kaba la kiewshaphrang ha baroh ki bynta.
“Kine ki khyndai snem ki dei kiba la aiti sha ka jingwanrahia ka roi ka par kaba pdiang lang ia baroh, kaba peit ia ka lawei bad kaba iaineh. Ka Sorkar ka la ieng skhem ha la ka jingbahkhlieh ban plié ki lad ia baroh ki briew jong ka ri. Ka Sorkar ka ngeit ha ka jingbuhia ki thong bad ka jingpynurlong ia ki shuwa ia ka por ba la buh ban pyndep ia kine,” la ong u Lat ka jylla.
U la ong ba ka la don ka jingkylla ha ka rukom treikam ka Sorkar ha kaba la peit shuwaia ka bha ka miat jong ki briew bad ka jingpynurlong ia ki thong. Khnang ban iakren shaphang ki sienjam bad ki jingkylla, ki riewshemphang, ki nongthoh khubor bad ki ophisar Sorkar ki la iadonlanghangne mynta ka sngi.
Ha ka jingkren shaphang ka bynta jong ka Sorkar Meghalaya ha ka jingpyrshang ka India ban wanrah ia ka roi ka par ha baroh ki kam, u Commissioner and Secretary, Planning, Sorkar Meghalaya, u Joram Beda u la iathuh ba ka Sorkar Meghalaya ka la ialam lynti ban pyniasoh ia ki kam ka roi ka par jong ka Sorkar India bad ki thong Sustainable Development Goals jong ka United Nation.
Katkumka jingongu Beda, ka Sorkar ka la ithuh hynriew tylli ki rishot jong ka roi ka par kiba long ka Human Development, Infrastructure, Primary Sector, Entrepreneurship, Environment, bad Governance, bad u la bynrap ba ka jylla ka la peit bniah ia ka rukom treikam kaba pynurlong ia ki thong na ka bynta ka roi ka par da kaba pynlong ia kane ka bynta kaba kongsan ha ka jingpynkhreh ia ki kam.
“Ha kine ki 5 snem ba la dep, ka Meghalaya ka la long kawei na kiba ialam lynti ha ka jingpyntreikam ia ki skhim ba bei tyngka da ka Sorkar Pdeng. Ki prokram kum ka MGNREGS, PMGSY bad JalJeevan Mission ki dei kiba pyntreikam ha ka rukom kaba sted.
Ki sienjam kiba bun ha ki kam horticulture, livestock bad fisheries ki la kyntiew ia ka ioh ka kot jong palat shi lak ki nongrep bad kane ka iarap ia ngi ban kyntiew arshah ia ka ioh ka kot jong ki nongrep,” la ong u Commissioner and Secretary da kaba iathuh ruh ba ka Jylla ka la kiewshaphrang ha ki kam kiba iadei bad ka koit ka khiah ha kine ki snem ba la dep namar ka jingai dawai tika ka la kiew na ka 57% sha ka 91% bad ka jingleitkhakhyllung ha ki jaka ai jingsumar ka la kiew na ka 46% sha ka 64%.
Ka bynta kaba khraw jong ka India ha kine ki san snem ba la dep ka dei ka jingsaindur ia ka jingiatreilang ha ki kam ai jingshakri ka Sorkar ha kaba la iatrei lang bad ki bor tynrai, ki kynhun jong ki longkmie, ki cooperative jong ki nongrep bad ki kynhun jong ki samla ban tei ia ka kynhun ‘Team Meghalaya’ kaba khlain.
U la ong ba ka Sorkar jylla ka ieng skhem ban wanrah ia ka roi ka par kaba pdiang lang ia baroh, kaba peit ia ka lawei bad kaba ianeh. Ka Sorkar ka ngeit ha ka jingbuhia ki thong bad ka jingpynurlong ia ki shuwa ia ka por ba la buh.
U la batai shaphang ki jingjop jong ka Meghalaya ha kine ki snem ba la dep ha kaba u la ong ba ka Meghalaya ka la jop ia ka khusnam Best Performer ha ka States Startup Ranking 2021 jong ka Sorkar India.
La ithuh ruh ia ka Meghalaya kum ka “Emerging business ecosystem” ha ki kyrdan EoDB jong ka DPIIT. Ka Meghalaya ka long kawei na ki jylla kiba pyntrei bha ia ka JalJeevan Mission. Ka jingdon ki longiing kiba ioh um kor ka la kiewna ka 4,550 ha u 2019 sha palat 3 lakmynta.
Shuh shuh, ha kine ki san snem ba la dep, la peit bniah ia ka jingpyniar ia ka jingdon ki surok bad la dep shna 4217 km ki surok ha ki jaka nongkyndong hapoh ka PMGSY bad ka Sorkar kan dang plié paidbah ruh ia ka ‘Chief Minister’s Rural Connectivity Scheme’ ban pyniasoh ia ki shnong ki bym hap hapoh ka PMGSY, u la ong.
La iathuh ruh ba ka jingkhlad ki longkmie ba dang pun ka la hiar da 53% ha kine ki ar snem ba la dep ha ka jylla bad khnang ban pynduna shuh ia kum kine ki jingkhlad bad ka jingkhlad jong ki khyllung, ka jylla ka dang pyntreikam ia ka prokram MOTHER ha kaba la buh jingtip shaphang baroh ki longkmie kiba dang pun ha ka jylla bad la ai jingkyrshan ia ki.
Ka Kong Patricia Mukhim, Editor jong ka The Shillong Times ka la ai jingkren halor ka ‘Propelling Life: Environment and Sustainability’. Ka la ong ba ka long kaba donkam ban pyndap ia ki jaka ba suda hapdeng ki jingpynkhreh bad ki jingpyntreikam khnang ba baroh ki skhim Sorkar ki dei ban poi sha baroh.
Ka la ong ba ki dang bun kiba pynkhein ia ki ain kiba iadei bad ka jingiada ia ka mariang bad ka la ban jur ba dei ban iada ia ki wah bad ki khlaw ki btap bad ba ym don kanokano ka daw kaba lah ban pynksan ia ka jingkamai da kaba wanrah ia ka jingjulor.
Ha ka jingkren shaphang ka jingpyntreikam ia ki prokram ka Sorkar Pdeng ha ka jylla, ka la ong ba ki la bun palat ki jinghikai shaphang ka mariang ha ki skul bad ki jaka pule tangba ym don jingiadeieiei bad ka jingshisha.
Ka la ai jingiarohia ka iing shari kaba la leh shibun ki kam ban iada na ka jingjulor ka mariang ha ka jylla, ka Kong Mukhim ka la ong ba dei ban pynkhlain ia ki rukom ai jingbit ha ka jylla ban pyntreikam ia ki projek.
U Air Marshall SP Dharkar, PVSM, AVSM, Air Officer Commanding-in-Chief, Eastern Air Command u la ban jur halor ka jingdonkam ban pyndonkam ia ka bor jong ki 25 klur ngut ki samla jong ka ri bad ban kyntiew ia ka India sha ki kliar kiba thymmai jong ka roi ka par.
U la ong ba ki kynhun iada ri ki don tang kawei ka rongphong bad ka jingngeit, u SP Dharkar u la ong ba kine ki kynhun iada ri ki ithuh tang ia ka jinglong trai ri traimluk bad ka jingieid ia ka ri.
Ka Sherry Lalthangzo, Economic Adviser, NEC ka la ong ba ka thain shateilammihngi ka la ioh mad ia ka roi ka par ha kine ki 9 snem kiba la dep ha ki kam bapher bapher kum ki jingdon jingem, ka jingkyntiew ia ki sap bad kiwei kiwei.
Ka la kubur ba ki la don ki jingduna ha ka jingbei tyngka mynshuwa ha ki kam bapher bapherhynrei ka la ong ba mynta la peit ia ki jaka ba dang duna lyngba ka Act East Policy.
U Commissioner and Secretary sha u Lat ka Jylla, u BDR Tiwari u la ong ba yn ym lah ban pynurlong ia ka jingthmu ban ai ka jingshakri ba bha jong ka Sorkar lada ym lah ban ai jingshakri ia baroh ki briew.
U la ong ba ka jingai jingshakri ia baroh ka dei ka lad sha ka jingai jingshakri kaba bha jong ka Sorkar, u la ong ba ka Sorkar Pdeng bad ka Sorkar Meghalaya ki la shim ia ki sienjam kiba bha na ka bynta ka roi ka par jong ka ri.
Ha shuwa kane, ka Additional Director General, PIB, ka Jane Namchu ka la pdiang burom ia kito kiba la wan iashim bynta ha kane ka Vartalap bad ka la kyntu ia ki ban pynsaphriang jingtip shaphang ka roi ka par kaba la wan ha ka ri ha kine ki 9 snem ba la dep.
Ha kane ka sngi, la don ki bynta jong ka jingai jingtip halor ka NESAC da u Director, SP Agarwal, Backward Blocks bad NERCOMP bad IndigenousHabitat.
