Shillong, Rymphang 29 Ka jingialang jong ka “Standing Conference of Public Enterprises” (SCOPE), ka kynhun jong ki kompnei sorkar pdeng kiba la tip kum ki “Public Sector Enterprise” ka la pynlong ia ka jingialang ha Shillong.
Ka phang pdeng jong kane ka jingialang ka long halor ka ‘Public Procurement- Issues and Challenges and Sharing of Experiences of Best Practices,’ kaba la plie da ka Ravneet Kaur, Chairperson, Competition Commission of India (CCI) ha ka jingiadonlang ka Anupama Anand, Secretary, CCI bad uAtulSobti, Director General, SCOPE ha nongbah Shillong, Meghalaya.
Ki heh ophisarna ka CCI, GeM bad ki PSE bapher bapher na kylleng ki la iadonlang. Ha kane ka jingialang la iashim bynta da 85 ngut na 31 tylli ki PSE na ki kam bapher bapher.
Ha ka jingai jingkren jong ka, ka RavneetKaur ka la ong ba hapdeng ka jingiajan hapdeng ki ri, ka jingdonkam ia ka iew kaba khlain kaba kyrshan ia ka jingialeh bad kaba tehlakam ruh ia ki kam kiba pyntlotia ka jingeh, bad ka jingthmu jong ka Competition Law kalong ban wanrah ia ka jinglong kaba khlain bha ka jingialeh.
Haba ban jur halor ka jingkongsan ka jingthied mar ka sorkarna ka bynta ka ioh ka kot bad ka imlang sahlang, ka la iaroh ia ka SCOPE kaba la pynlong ia ka workshop halor kane ka phang kaba kongsan.
Ka Anupama Anand ha ka jingai jingkren jong ka, ka la ong ba ka bynta jong ka jingthied mar ka sorkar kalong kaba bun bynta bad ka la ong ba kum kine ki workshop kilong ki jingplie lad ia ka jingwanrah ia kirukom treikam kiba kham seisoh, kiba shai bad kiba saindur thymmai ha ki kam thied mar ka sorkar.
U AtulSobti ha ka jingai jingkren jong u, u la ong ba ka jingthied mar ka sorkarka wanrah ia ka rukom synshar kaba shai bad kaba seisoh, bad haba iohi ia ka jingbun ka jingthied, ym lah ban kheinkai ia ka bynta jong ka. U la kren shaphang ka jingiaipyrshang jong ka SCOPE ban pynlong ia ki workshop halor ki phang ba kongsan ha kylleng ka ri.
Ka SCOPE ha kine ki snem ka la pynstedia ki kam ban pynlong ia ki workshop man ka por halor ki phang ba kongsan, ha kylleng ki jaka jong ka ri. Da kaba phaikhmat sha ka thain shateilammihngi jong ka ri, ka SCOPE ka la pynlong sa kawei ka workshop halor ka ‘Right to Information’ hanongbahShillong.
