Ampati, Jymmang 22: Ban rakhe ia u bnai jingshitom bor pyrkhat ka District Metal Health jong ka South West Garo Hills District mynta ka sngi kila pynlog ia ka jingiaid paidbah ban pynsngewthuh ha kaba ia dei bad kane ka jingpang.
Ia kane ka jingiaid pidbah la sdang na St. Claret Higher Secondary School bad ia ka jingiaid paidbah la pynkut ha iew Ampati. Ki khynnah skul jong katei ka skul kila ia shim bynta ha kane ka jingiaid paidbah da kaba rah ia ki pla kard ba don ki jingthoh.
Kine ki jingthoh baroh ki kren halor ka jingshitom kaba ia dei bad ka bor pyrkhat ha ka jabieng, ia kane ka jingpynsngewthuh paidbah ia kane ka jingshitom la ialam da ka Dr. Matgrik Sangma, ka District Nodal Officer ba dei peit ia jingshitom ha ka bor pyrkhat.
Kane ka jingiaid paidbah ka long ban pynshai sha ki paidbah ba kumo ban sngewthuh ha ka bor pyrkhat pyrdain bad haba khlain ka bor pyrkhat ka long ruh kum ka jingiaid ia ki briew ban dkhot jubor ia la ka jong ka jingim bad ki lait na ka jingdih ba sniew.
Kane ka jingiaid paidbah ka long ban pynsngewthuh bad ban pyntip sha ki paidbah ba u don u number phone 14410 ban iarap ia kiba don ha ka jingdum ha ka pyrkhat pyrdain bad na ka bynta ka District la buh ia une u number 9362748485 ba ki paidbah kila ban phone ban ioh jingiarap.
