Shillong, Naiwieng 13: U Bah Fredric Roy Kharkongor Commissioner bad Secretary ka tnad pynneh pynsah riti dustur ka jylla Meghalaya la ong ba mynta u snem ruh kin pynlong ia ka “Tri Hill Ensemble II” naka bynta ban pynneh pynsah ia ki tiar thain bas shet tynrai jong ki paidbah riewlum kane ka jylla Meghalaya.
Haba kren ha ki lat pathai khubor u bah Kharkongor la ong ba ka jingthmu jong kane ka tamsa kaba shitaiew lynter ka ban sdang ha ka 15/11/2023 bad pynkut ha ka 25/11/2023 ,ka long ban pyninam ia ki jingthiah kiba la pynneh pynsah ha ki nongkyndong bad ban pynim biang ia ki ba kin ioh ki lat kamai.
Kane ka Tamsa kan nym kut tang ha ka jingiapyninam ha kane ka nongbah Shillong, hynrei kan don ruh ka jingphah ia ki briew ba shah hikai ba kin dang lah ban pybha shuh shuh ia kaei kaba kila thian baroh shikatta bad ia ka rukomshet ia ki bam ki dih tynrai ha kaba ki paidbah ki lah ban ioh mat.
Ia ka tamasa yn plie ha ka 15/11/2023 namar kane ka sngi ka dei ka sngi leh burom ia u nongialeh laitluid jong u Riewlum bad kane ka long ka jingkynmaw burom ia baroh ki riewlum kiba ia don bynta hakane ka jingialeh laitluid.
La iathuh ba mynta u snem ruh ka tnad pynneh pynsah riti dustur kala jied hynriew tylli ki shnogn, kum ka Nongkynrieh kaba la pynneh ban shan khna, ka shnong Mustoh bad Wahkhen kiba la thian ia ka Yarong na u ksai bala sei na ki sla sohtrun, ka shnong Yalong kaba la pynneh ia ka shad Nohsakhriat, kiwei ki shnogn kum ka Babadam kaba bit ban shet kyiaid um.
Ha us nem bala dep ruh kila jied hynriew tylli ki shnong ban ai ka jingithuh kaba kyrpang ia ka jingpynneh pynsah jong ki ia ka rukom thain bad shet, ia kitei ki shnong ka sorkar kala ai jingiarap bad ia jingiarap la sam ha ka sngi Republic Day.
La iathuh ba ia ka jinglut jingsep na ka bynta kane ka kam yn bei pisa da ka tnad ba dei peit ia ki riew lum ha kane ka Ri India, la iathuh ba ha u snem bala de ka jinglut ka long kumba T.60 lak tyngka bad mynta u snem ruh ia kane ka tamasa ym bei da ka tnad ba dei peit ia ki riewlum ha kane ka Ri India.
