Shillong, Jylliew 14: Mynta ka sngi ki samla pule jong ka North Eastern Institute jong ka Ayuverda bad Homoeopathy(NEIAH) wt ha pdeng jong ka slap kila pynlong ia ka jingiaid paidbah da kaba sdang na State Central Library bd iaid sha khmat jong ka Secretariat da kaba pyrtha ba ka “Yoga Ka dei ka jingim”.
Kine ki samla pule jong katei ka Hopsital ki dei kiba pule doktor ia ka rukom sumar na ki dawai kynbat kaba don ha Mawdiangdiang kaba dei jong ka sorkar pdeng ha kaba da ki spah ngut ki samla na kane ka thain shatei lam mih ngi ka Ri India ki wan ban pule ha kane ka jaka pulr doktor.
Ha kane ka sngi ki samla pule hapdeng jong u slap kila iaid bad rah ia ki jingthoh kiba kren ha kaba ia dei bad ka Yoga kaba la sdang na Ri India bad mynta kala paw kylleng ka pyrthei bad kane ka dei shibynta jong ka koit ka khiah.
Ki jignthoh kaba kila rah ka long beit tang halor ka Yoga bad kila batai ba kumno kane ka Yoga ka iarap ia u ne ka briew ha ka koit ka khiah yn tang ha ka met hynrei kyrpang eh ha ka jingkoit jingkhiah ka bor pyrkhat.
