Shillong, Nohprah 05: Mynta ka sngi ka kynhun shipai BSF ba dei na ka 110 battalion kila pynlong ia ka jingai jingsumar ei ia ki paidbah nongshong shnongkiba don ha khappud bad ka Bangladesh.
Ia kane ka jingai jingsumar ei la pynlong hapoh ka shnong Omkhawa kaba dei hapoh East Khasi Hills District ha ka jingiadon lang u Sandip ba dei Commandant 110 jong ki shipai BSF ha ka jingiadon lang kiwei ki heh shipai.
Ia ka jingai sumar ei la peit da ki doktor ba dei jong ki BSF, kiba la wan ban ia shim dawai ha kane ka jingai jingsumar ei, la kynthup na ki shnong Bamantila, Adarghat bad Kasinda. Kiba la ioh jingmyntoi palat 250 ngut ki paidbah.
Nalor ka jingsam dawai ei, la san ruh kiwei kiwei ki tiar ba donkam, kum ki khiew shet ia kaba la ai sha ki khynnah skul jng ka Omkhawa upper primary school, ia kane ka jingnoh syniang ki shipai BSF la ai khublei da ki ki bor pyniaid shnong.
