Shillong, Lber 31: Ka iing dorbar thawain ka jylla ha ka dorbar mang tyngka kaba dang shudep kala pynlait ia ka jingpan pisa shuh u myntri ka tnad ka kit ka bah jong ka jylla u bah Sniwbhalang Dhar hakaba ia dei bad ka jingpynlut ha kaba plie ia ka ISBT da u myntri kam poh iing ka sorkar pdeng u Amit Shah.
Lah ban pynkynmaw ba ia ka ISBT kaba don ha Mawiong rim la wan plie da u myntri kam poh iing ka sorkar pdeng ha ka 24/7/2021 bad ka jinglut ban pynkhreh ia kane ka jingplie ia katei ka jaka ieng kali ka sorkar kala pynlut T.43,83,930 lak tyngka.
Ka iing dorbar kala pdiang ia kane ka jingpan pisa kane ka long ban pynbeit ia ka jingpynlut namar ia ka pisa la dep ban shim bad kane ka jingpan pisa shuh ka long ban pynbeit ia kaba la dep ban pynlut.
